Texts

Select a text:
Bibliography

Select a chapter:
(no revisions)

Associated topic(s): agniṣṭoma, pravargya

Show parallels Show headlines
Use dependency labeler

Chapter id: 17021

Click on a sentence to show its analysis
Keep the mouse pointer over a lemma to show its meanings.

pravargyaṃ bhakṣayitvā na māṃsam aśnīyāt saṃvatsaraṃ caturo vā māsān na rāmam upeyān na mṛnmayena piben nāsya rāma ucchiṣṭaṃ pibet // (1) Par.?

teja eva tat saṃśyatīti brāhmaṇam // (2) Par.?

agniṣṭome pravṛṇakti nokthye pravṛñjyād viśvajiti sarvapṛṣṭhe pravṛṇakti na prathamayajñe pravṛñjyāt pravṛñjyād vā // (3) Par.?

śrotriyānūcānasya pravṛñjyād durbrāhmaṇasya ca brahmavarcasakāmasya ca pravṛñjyāt // (4) Par.?

pravargyam udvāsayiṣyann ajām agnīdhe dadāti paṣṭhauhīṃ brahmaṇe gharmadughaṃ hotre śatamānāv adhvaryave // (5) Par.?

atha pūrvaśāntim upetya tṛṇāni saṃstīryāgreṇāhavanīyaṃ sarvaṃ parigharmyaṃ samrāḍāsandyāṃ sādayati // (6) Par.?

athāgnīdhraḥ pravṛñjanīyodvāsanīyau kharau sate samopyottarataḥ samrāḍāsandyāṃ sādayaty ucchiṣṭakharam anyasmin sate samopya dakṣiṇayā dvāropanirhṛtya mārjālīyadeśe nidadhāti // (7) Par.?

yathetam etyodagdaśena vāsasā patnyāś cakṣuḥ prorṇoti // (8) Par.?

pratiprasthātā gārhapatya ājyaṃ vilāpyotpūyaudumbaryāṃ sruci caturgṛhītaṃ gṛhītvā trīn saṃnakhāñchalākāmuṣṭīn ādāya teṣām ekam āhavanīya ādīpyāsyadaghne dhārayati // (9) Par.?

tasminn adhvaryur gharma yā te divi śug iti prathamām āhutiṃ juhoti // (10) Par.?

tasminn aparam ādīpyāhavanīye pūrvaṃ prahṛtya gharma yā te 'ntarikṣa iti nābhidaghne dvitīyām āhutiṃ tathāparam ādīpya jānudaghne gharma yā te pṛthivyām iti tṛtīyām // (11) Par.?

api vā muṣṭīn vihāya yathāpradeśam āhavanīye tisra āhutīr juhoti // (12) Par.?

saṃvṛtya dvārāṇi pravargyam ādāyānu no 'dyānumatir anv id anumate tvam iti dvābhyāṃ pūrvayā dvārā niṣkrāmanti // (13) Par.?

pratiprasthātā vāsasā patnīṃ nayati // (14) Par.?

mahāvedim ākramya prastotaḥ sāma gāyeti saṃpreṣyati // (15) Par.?

Duration=0.063241958618164 secs.