Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17027

Click on a sentence to show its analysis
Keep the mouse pointer over a lemma to show its meanings.

Caland, Henry ﾧ6 ctd

raśmayo devā daivyāś camasādhvaryavas te me camasādhvaryavaḥ santv ity upāṃśu daivyāṃś camasādhvaryūn vṛtvāsau cāsau mānuṣa ity uccair mānuṣān vṛṇīte // (1) Par.?

yajñopavītaṃ kṛtvāpa ācamya prāṅ vodaṅ vā tiṣṭhan japaty āsīno vā bhūr bhuvaḥ suvaḥ / (2.1) Par.?

āyur me prāvoco varco me prāvoco yaśo me prāvocaḥ śriyaṃ me prāvocaḥ / (2.2) Par.?

āyuṣmān ahaṃ varcasvī yaśasvī śrīmān apacitimān bhūyāsam / (2.3) Par.?

bhūr bhuvaḥ suvaḥ / (2.4) Par.?

sarvaṃ bhūyāsam ity uktvā prati vā caṣṭe prati vā jānīte // (2.5) Par.?

Caland, Henry ﾧ5

sa pratijñāya devo devam etu somaḥ somam etv ṛtasya pathā / (3.1) Par.?

emi vihāya dauṣkṛtyam ity abhipravrajati // (3.2) Par.?

padvā nāmāsi srutiḥ somasaraṇī somaṃ gameyam iti panthānam ātiṣṭhate // (4) Par.?

pitaro bhūr iti pitṝn dakṣiṇāmukha upatiṣṭhate // (5) Par.?

athainaṃ gṛhān ohyāhvayati // (6) Par.?

ācchādya cainaṃ kuṇḍalinaṃ karoti // (7) Par.?

ekadhanaṃ cāsmai dadāti // (8) Par.?

amāvāsyāyāṃ dīkṣate paurṇamāsyāṃ vā // (9) Par.?

tasyāparimitā dīkṣāḥ saṃvatsaraparārdhyāḥ // (10) Par.?

na darśapūrṇamāsābhyām aniṣṭvā somena yajeta // (11) Par.?

nāgniṣṭomenāniṣṭvetaraiḥ kratubhir iti // (12) Par.?

atirātram eke prathamaṃ yajñaṃ samāmananti // (13) Par.?

na rathantarapṛṣṭham akṛtvā bṛhatpṛṣṭhaṃ kurvīta // (14) Par.?

amāvāsyāyāṃ paurṇamāsyāṃ vā sutyam ahar bhavati // (15) Par.?

Duration=0.054122924804688 secs.