Texts

ghṛtavatīm iti hotur abhijñāya juhūpabhṛtāv ādāya dakṣiṇā sakṛd atikrānta upāṃśuyājavat tisro devatā yajati // (1) Par.?

uttarataḥ prathamāyāḥ puronuvākyāṃ saṃpreṣyati dakṣiṇata itarayoḥ // (2) Par.?

yaj juhvām ājyaṃ tasyārdhenāgniṃ pūrvārdhe yajaty ardhena madhye somaṃ yad upabhṛti taj juhvāmānīya tena paścārdhe viṣṇuṃ yajati // (3) Par.?

udaṅṅ āvṛtya yathāyatanaṃ srucau sādayitvā prastaram aktvā savye pāṇau kṛtvājyasthālyāḥ sruveṇopahatya yā te agne 'yāśayā tanūr iti prathamam aupasadam āhavanīye juhuyād yā te agne rajāśayeti dvitīyaṃ yā te agne harāśayeti tṛtīyam // (4) Par.?

ye yudhyeyur ayajñasaṃyuktān etān homān juhuyād ayo 'vadhāya prathamaṃ rajatam avadhāya dvitīyaṃ haritam avadhāya tṛtīyam // (5) Par.?

agnīn madaty āpā3 ity etadādi nihnavāntaṃ vyākhyātam // (6) Par.?

dakṣiṇottānaiḥ pūrvāhṇe savyottānair aparāhṇe nihnuvate // (7) Par.?

agnīd devapatnīr vyācakṣva subrahmaṇya subrahmaṇyām āhvayeti saṃpreṣyati // (8) Par.?

apareṇa gārhapatyam āgnīdhra upaviśya senendrasyeti devapatnīr vyācaṣṭe // (9) Par.?

subrahmaṇyaḥ subrahmaṇyām āhvayati // (10) Par.?

sāsi subrahmaṇya iti tāṃ yajamāno 'numantrayate yathā purastāt // (11) Par.?

anūpasadam etāni kriyante // (12) Par.?

evaṃ sāyaṃ prātas trirātraṃ pravargyopasadau kārye // (13) Par.?

yāḥ prātaryājyāḥ syus tāḥ sāyaṃ puronuvākyāḥ kuryād yāḥ prātaranuvākyās tā yājyāḥ // (14) Par.?

tisra eva sāhnasyopasado dvādaśāhīnasyety uktam // (15) Par.?

madhyame 'hani paurvāhṇikābhyāṃ pracaryāgreṇa prāgvaṃśaṃ triṣu prakrameṣu śaṅkuṃ nihatya darśavat saṃnamanavarjaṃ sphyena paraśunā vā vediṃ vimimīte // (16) Par.?