Texts

Help

Select a text:
Bibliography
Select a chapter:
 1 revision
Associated topic(s): gṛhastha, householder

Show parallels  Show headlines
Use dependency labeler
Chapter id: 17101
  • Click on a sentence to show its analysis
  • Keep the mouse pointer over a lemma to show its meanings.
gṛhasthāśramī dve yajñopavīte vaiṇavaṃ daṇḍaṃ kamaṇḍaluṃ ca dhārayet // (1) Par.?
snātvā sabhāryo gṛhyāgnau gārhyāṇi karmāṇi śrautāgniṣu śrautāni kuryāt // (2) Par.?
sāyaṃ ca homānte 'tithīn abhyāgatān prāśayitvā mitaṃ prāśya patnyā śayīta // (3) Par.?
ārdrapādaḥ pratyaguttaraśirā na svapiti // (4) Par.?
ṛturātriṣu svabhāryām upagacchet // (5) Par.?
ādau trirātram ṛtumatīgamanasahāsanaśayanāni varjayet // (6) Par.?
paradārān na saṃgacchet // (7) Par.?
paradāragamanād āyuḥ śrīr brahmavarcasaṃ vinaśyati // (8) Par.?
bhāryayā saha nāśnāti // (9) Par.?
aśnantīṃ tāṃ jṛmbhamāṇāṃ nagnāṃ ca nāvalokayet // (10) Par.?
asatyavādaṃ varjayati // (11) Par.?
asatyāt paraṃ pāpaṃ satyāt paro dharmaś ca nāsti // (12) Par.?
sarvaprāṇihito 'droheṇaiva jīvec chuddhārthavān kusūladhānyaḥ kumbhīdhānyo 'śvastaniko vā syāt // (13) Par.?
dvijātiḥ patitāntyajātān na spṛśet // (14) Par.?
udaye 'stamaye ca sūryaṃ nekṣeta // (15) Par.?
devaguruvipraghṛtakṣīradadhimṛttoyasamiddarbhāgnivanaspatīn pradakṣiṇaṃ gacchet // (16) Par.?
Duration=0.077777147293091 secs.