Texts

svaṃ svaṃ camasam anūnyante trīṃs trīn puroḍāśaśakalān upanyasyanti // (1) Par.?

etat te tata ye ca tvām anv ity ete dānaprabhṛtayaḥ pratyāyanāntā mantrā āmnātā bhavanti yathā piṇḍapitṛyajñe // (2) Par.?

svebhyaḥ pitāmahebhyo dadyur ity ekam / (3.1) Par.?

yajamāna eva mantrāñ japet tūṣṇīm itara upanyasyeyur ity aparam // (3.2) Par.?

antaryāmapātreṇa sāvitram āgrayaṇād gṛhṇāti vāmam adya savitar ity etenānuvākena // (4) Par.?

na sādayati // (5) Par.?

tataḥ saṃpreṣyati devāya savitre 'nubrūhīti // (6) Par.?

atyākramyāśrāvyāha devāya savitre preṣyeti // (7) Par.?

vaṣaṭkṛte juhoti / (8.1) Par.?

nānuvaṣaṭkaroti // (8.2) Par.?

tasmin sasaṃsrāve pātre vaiśvadevaṃ pūtabhṛto gṛhṇāti upayāmagṛhīto 'si suśarmāsi supratiṣṭhāna iti // (9) Par.?

śastram atra bhavati // (10) Par.?

yatrābhijānāty ekayā ca daśabhiś ca svabhūta iti tat pratiprasthātā dvidevatyapātrāṇi prakṣālya khare sādayati // (11) Par.?

yatrābhijānāti pra dyāvā yajñaiḥ pṛthivī ṛtāvṛdhā iti tad anyataratomodaṃ pratigṛṇāti madā moda ivothā moda ivety āvyāhāvāt // (12) Par.?

śastraṃ pratigīryādatte graham adhvaryuḥ / (13.1) Par.?

ādadate nārāśaṃsān // (13.2) Par.?

atyākramyāśrāvyāhokthaśā yaja somasyeti // (14) Par.?

vaṣaṭkṛte juhoti // (15) Par.?

vyākhyātam anuprakampanam // (16) Par.?

sāvitravaiśvadevaiḥ pītasyeti grahasya bhakṣamantraṃ namati // (17) Par.?

vyākhyāto nārāśaṃsānām // (18) Par.?

sarvān bhakṣayanti // (19) Par.?

nāpyāyayanti / (20.1) Par.?

mārjayante // (20.2) Par.?

sarvabhakṣā evāta ūrdhvaṃ tṛtīyasavane camasā bhavanti // (21) Par.?