Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17172

Click on a sentence to show its analysis
Keep the mouse pointer over a lemma to show its meanings.

tataḥ saumyaṃ caruṃ nirvapati / (1.1) Par.?

savanīyair vā saha // (1.2) Par.?

tam āsādya yathāgṛhītam ājyaṃ gṛhītvātyākramyāśrāvyāha ghṛtasya yajeti // (2) Par.?

vaṣaṭkṛte juhoti // (3) Par.?

atraivopaviśya prācīnāvītaṃ kṛtvā hastena saumyasya pūrvam avadānam avadyati mekṣaṇenottaram // (4) Par.?

abhighāryodaṅṅ atyākramyāśrāvyāha saumyasya yajeti // (5) Par.?

vaṣaṭkṛte dakṣiṇārdhe juhoti // (6) Par.?

atraivopaviśya yajñopavītaṃ kṛtvāpa upaspṛśya yathāgṛhītam ājyaṃ gṛhītvātyākramyāśrāvyāha ghṛtasya yajeti // (7) Par.?

vaṣaṭkṛte juhoti // (8) Par.?

anyatarataḥ parījyām eke saumyasya samāmananti // (9) Par.?

ājyena carum abhipūryodgātṛbhyo haranti // (10) Par.?

tam avekṣante satro ta etad yad u ta iheti // (11) Par.?

yady agatāsur bhavati paripaśyati / (12.1) Par.?

yadi gatāsuḥ syāt so 'vekṣeta yan me manaḥ parāgatam ity etayā // (12.2) Par.?

āmayāvinā prāśyo 'nnādyakāmena prāśyo yo 'lam annādyāya sann annaṃ nādyāt tena prāśya iti vijñāyate // (13) Par.?

juhvāṃ navagṛhītam ājyaṃ gṛhītvā jvalato dhiṣṇiyān vyāghārayati // (14) Par.?

vyāghāraṇasaṃpātaṃ nidhāyopāṃśupātreṇa pātnīvatam āgrayaṇād gṛhṇāty upayāmagṛhīto 'si bṛhaspatisutasya ta indo indriyāvataḥ patnīvantaṃ grahaṃ gṛhṇāmīti // (15) Par.?

vyāghāraṇasaṃpātena śrītvātyākramyāśrāvyāhāgnīt pātnīvatasya yajeti // (16) Par.?

vaṣaṭkṛte juhoti agnā3i patnīvā3 ity anuvākaśeṣeṇa // (17) Par.?

sānuvaṣaṭkāram eke pātnīvataṃ samāmananty ananuvaṣaṭkāram eke / (18.1) Par.?

upāṃśv anuvaṣaṭkarotīty ekeṣām // (18.2) Par.?

Duration=0.060718059539795 secs.