Texts

rājānaṃ nidadhāty āhṛtaś cet // (1) Par.?

prāk krayād annam upaharanty asmai haviṣyam amāṃsam agniṃ vihṛtya // (2) Par.?

saptasu prakrameṣv ardhavyāme ca sāgnicitye // (3) Par.?

aparāhṇe 'śnātīṣṭam // (4) Par.?

upapannaṃ vā // (5) Par.?

na vā // (6) Par.?

kratvartham apadiśyānyasmā uttare parivṛta udakumbhavaty apsudīkṣā // (7) Par.?

nāpita upatiṣṭhati nakhāni nikṛntaty aṅguṣṭhyaprabhṛtīni dakṣiṇahastasya prathamam // (8) Par.?

dakṣiṇaṃ godānaṃ vitāryonattīmā āpa iti // (9) Par.?

yūpavatkuśataruṇam // (10) Par.?

kṣureṇa cābhinidhāya chittvodapātre prāsyati // (11) Par.?

evam uttaraṃ tūṣṇīm // (12) Par.?

nāpitāya kṣuraṃ prayacchati // (13) Par.?

tena keśaśmaśru vapati // (14) Par.?

āpo asmān iti snātvod id ābhya ity utkrāmaty uttarapūrvārdham // (15) Par.?

kṣaumaṃ vaste // (16) Par.?

niṣpeṣṭavai brūyād ahataṃ ced adbhir abhyukṣya // (17) Par.?

snātavasyaṃ vāmautradhautam // (18) Par.?

vicitakeśaṃ prasāritadaśaṃ dīkṣātapasor iti // (19) Par.?

na nīviṃ kurute // (20) Par.?

evaṃ pratiprasthātāparasmin parivṛte patnīṃ tūṣṇīm // (21) Par.?

vapanaṃ vā // (22) Par.?

dhenvanaḍuhayor nāśnīyāt // (23) Par.?

puruṣadharmo vāsambhavāt // (24) Par.?

aṃsalabhojanaṃ vā // (25) Par.?

prapādyāgnāvaiṣṇava ekādaśakapālaḥ // (26) Par.?

ādityebhyo vā caruḥ // (27) Par.?

prāk samiṣṭayajuṣaḥ karoti // (28) Par.?

samiṣṭayajurvarjaṃ vā // (29) Par.?

upāṃśu caranti prāg agnīṣomīyāt // (30) Par.?

vāgantena vā dīkṣaṇīyāṃ nīcaistarāṃ nīcaistarām itare // (31) Par.?

upāṃśūpasadaḥ // (32) Par.?

śālāṃ pūrveṇa tiṣṭhann abhyaṅkte kuśeṣu navanītena śīrṣṇo 'dhyanulomaṃ sapādako mahīnāṃ payo 'sīti // (33) Par.?

vṛtrasyety akṣyāv anakti traikakudāñjanenābhāve 'nyad dvir dakṣiṇaṃ trir uttaraṃ parāk sakṛtsakṛnmantraḥ śareṣīkayā sāgrayā // (34) Par.?