Texts

keśaśmaśru vapate // (1) Par.?

dato dhāvate // (2) Par.?

nakhān nikṛntate // (3) Par.?

snāti // (4) Par.?

mṛtā vā eṣā tvak // (5) Par.?

amedhyaṃ vā asyaitad ātmani śamalam // (6) Par.?

tad evāpahate // (7) Par.?

medhya eva medham upaiti // (8) Par.?

apsu dīkṣāṃ praveśayitvā devāḥ svargaṃ lokam āyan // (9) Par.?

yad apsu snāti tām eva dīkṣām ālabhate // (10) Par.?

atha yad apo 'vabhṛtham abhyavaiti tāṃ vā etad dīkṣāṃ punar apsu praveśayati // (11) Par.?

oṣadhe trāyasvainam ity āha trātyā eva // (12) Par.?

svadhite mainaṃ hiṃsīr iti // (13) Par.?

vajro vai svadhitiḥ // (14) Par.?

sa īśvaro 'śānto yajamānaṃ hiṃsitoḥ // (15) Par.?

yat tṛṇam antardadhāti yajamānasyāhiṃsāyai // (16) Par.?

devaśrud imān pravapā iti // (17) Par.?

devaśruddhy etān pravapate // (18) Par.?

svasty uttaraṃ aśīyeti // (19) Par.?

svasty asya yajñasyodṛcam aśīyeti vā etad āha // (20) Par.?

āpo mā mātaraḥ sūdayantv iti // (21) Par.?

āpo hi yajñaḥ // (22) Par.?

ghṛtena mā ghṛtapvaḥ punantv iti devatābhir evātmānaṃ pāvayate // (23) Par.?

viśvaṃ hi ripraṃ pravahantu devīr iti // (24) Par.?

yad evāsya ripram amedhyam ātmani śamalaṃ tad asmād adhi pravahanti // (25) Par.?

ud id ābhyaḥ śucir ā pūta emīti // (26) Par.?

śucir evābhyo yajñiyo medhyaḥ pūta udeti // (27) Par.?

havir vai dīkṣitaḥ // (28) Par.?

yadā vai havir yajuṣā prokṣaty atha havir bhavati // (29) Par.?

yad yajuṣā snapayati havir evainam akaḥ // (30) Par.?

aśnāti // (31) Par.?

prāṇā vā aśanam // (32) Par.?

prāṇān evātman dhitvā dīkṣate // (33) Par.?

suṣiro vai puruṣaḥ // (34) Par.?

sa vai tarhy eva sarvo yarhy āśitaḥ // (35) Par.?

yad āśito bhavati medhya eva medham upaiti // (36) Par.?

yathā vā iha dīkṣita evaṃ vā eṣo 'muṣmiṃl loka evaṃ vā atyāśitasya tiṣṭhati // (37) Par.?

tasmān nātyāśitena bhavitavyam // (38) Par.?

tan na sūrkṣyam // (39) Par.?

āśitenaiva bhavitavyam // (40) Par.?

yathaiva kanīyaḥkanīyo 'śnīyād evam aśnīyāt // (41) Par.?

yaddhi dīkṣitaḥ san kanīyo 'śnāti tena dīkṣita āṅkte // (42) Par.?

abhyaṅkte // (43) Par.?

vāsaḥ paridhatte // (44) Par.?

etā vai puruṣasya tanvaḥ // (45) Par.?

satanūr eva medham upaiti // (46) Par.?

navanītenābhyaṅkte // (47) Par.?

ghṛtaṃ devānām // (48) Par.?

āyutaṃ manuṣyāṇām // (49) Par.?

niṣpakvaṃ gandharvāṇām // (50) Par.?

svayaṃvilīnaṃ pitṝṇām // (51) Par.?

sarvadevatyaṃ vā etat // (52) Par.?

tasmān navanītenābhyaṅkte // (53) Par.?

darbhapiñjulābhyāṃ samāyauti // (54) Par.?

tat svid abhyañjanam akaḥ // (55) Par.?

atho abhy evaitad ghārayati medhatvāya // (56) Par.?

mahīnāṃ payo 'sīty āha // (57) Par.?

mahīnāṃ hy etat payaḥ // (58) Par.?

apām oṣadhīnāṃ rasā iti // (59) Par.?

apāṃ hy eṣa oṣadhīnāṃ rasaḥ // (60) Par.?

varcodhā asi / (61.1) Par.?

varco me dhehīty āśiṣam evāśāste // (61.2) Par.?