Texts

prāyaṇīyāyās tantraṃ prakramayati // (1) Par.?

tatra yāvat kriyate tad vyākhyāsyāmaḥ // (2) Par.?

agnīn anvādhāyedhmābarhir āharati // (3) Par.?

saptadaśa sāmidhenyo nānūyājasamidham upasaṃnahyati yady anūyājā na bhavanti // (4) Par.?

vedaṃ kṛtvāgnīn paristīrya pāṇī prakṣālyolaparājīṃ stīrtvā yathārthaṃ pātrāṇi prayunakti sthālīṃ kapālānāṃ sthāne prayunakti // (5) Par.?

nirvapaṇakāle 'dityai prāyaṇīyaṃ caruṃ nirvapati payasi śrapayati // (6) Par.?

caturgṛhītāny ājyāni gṛhṇāti yady anūyājā na bhavanti // (7) Par.?

ṣaḍḍhotrā prāyaṇīyam āsādayati // (8) Par.?

sarvam idhmam ādadhāti sarvam aupabhṛtaṃ samānayate yady anūyājā na bhavanti // (9) Par.?

ājyabhāgāṃś caturo yajati pathyāṃ svastiṃ purastād agniṃ dakṣiṇataḥ somaṃ paścāt savitāram uttarato 'ditiṃ madhye haviṣā sthālīṃ niṣkāsaṃ mekṣaṇaṃ ca nidadhāti // (10) Par.?

dhruvāyāḥ śeṣaṃ karoti // (11) Par.?

śaṃyvantā kṛtsnā vā // (12) Par.?

na yajamānabhāgam avadyati yadi śaṃyvantā // (13) Par.?

atra rājño nivapanam eke samāmananti // (14) Par.?

dhruvāśeṣāc caturgṛhītaṃ pañcagṛhītaṃ vā gṛhītveyaṃ te śukratanūr iti darbheṇa hiraṇyaṃ niṣṭarkyaṃ baddhvājye 'vadadhāti // (15) Par.?

upakﾱptā somakrayaṇī samaṅgā bandhumatī yathāgnīṣomīyo babhrur aruṇā rohiṇī vopadhvastā prapīnātha vā rohiṇī piṅgākṣī babhrulomnī śvitropakāśā pṛśnivālā pṛśniśaphaikahāyanī dvihāyanī trihāyaṇī vā jūr asīti tām īkṣamāṇa etac caturgṛhītaṃ juhoti // (16) Par.?

aparaṃ caturgṛhītaṃ gṛhītvā śukram asy amṛtam asīti hiraṇyaṃ ghṛtād uddharati // (17) Par.?

vaiśvadevaṃ havir ity abhimantrayate // (18) Par.?

havir asi vaiśvadevam ity avekṣate // (19) Par.?

sūryasya cakṣur āruham iti sahiraṇyena pāṇinādityam upatiṣṭhate // (20) Par.?