Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17626
  • Click on a sentence to show its analysis
  • Keep the mouse pointer over a lemma to show its meanings.
akﾱptaṃ vā idam āsīt // (1) Par.?
diśo vā imā na prājānan // (2) Par.?
tad devā anyo 'nyasminn aicchan // (3) Par.?
tan nāvindan // (4) Par.?
te devā aditim abruvaṃs tvayā mukhenemā diśaḥ prajānāmeti // (5) Par.?
sābravīd bhāgo me 'stv iti // (6) Par.?
vṛṇīṣvety abruvan // (7) Par.?
sābravīn maddevatyam eva prāyaṇīyam asat // (8) Par.?
maddevatyam udayanīyam // (9) Par.?
mām evānuprāyātha // (10) Par.?
mām anūdayātheti // (11) Par.?
sa eṣa ādityaś caruḥ // (12) Par.?
aditiṃ vā etad anuprayanty aditim anūdyanti // (13) Par.?
tato vā imā diśaḥ prājānan // (14) Par.?
pathyāṃ yajati // (15) Par.?
imām eva tena diśaṃ prājānan // (16) Par.?
yad agnim // (17) Par.?
imāṃ tena // (18) Par.?
yat somam // (19) Par.?
imāṃ tena // (20) Par.?
yat savitāram // (21) Par.?
imāṃ tena // (22) Par.?
yad aditim // (23) Par.?
iyaṃ vā aditiḥ // (24) Par.?
ūrdhvā vā asyā dik // (25) Par.?
ūrdhvām eva tena diśaṃ prājānan // (26) Par.?
tato vā akalpata // (27) Par.?
akﾱptasya vai kﾱptyai prāyaṇīyaḥ // (28) Par.?
tad ya evaṃ vidvān prāyaṇīyena carati kalpate // (29) Par.?
kalpante hāsmā ṛtavaḥ // (30) Par.?
tato vā imā diśo 'nvapaśyan // (31) Par.?
yat pathyāṃ yajati // (32) Par.?
imām eva tena diśam anvapaśyan // (33) Par.?
yad agnīṣomau // (34) Par.?
cakṣuṣī vā agnīṣomau // (35) Par.?
anu tābhyāṃ samapaśyan // (36) Par.?
yat savitāram // (37) Par.?
savitṛprasūtā evemā diśo 'nvapaśyan // (38) Par.?
yad aditim // (39) Par.?
iyaṃ vā aditiḥ // (40) Par.?
asyāṃ vai pratiṣṭhāya devā yajñam atanvata // (41) Par.?
yat pathyāṃ yajati // (42) Par.?
vāg vai pathyā // (43) Par.?
vācam evāvarunddhe // (44) Par.?
yad agnim // (45) Par.?
devatās tena // (46) Par.?
yat somam // (47) Par.?
yajñaṃ tena // (48) Par.?
yat savitāram // (49) Par.?
prasūtyai // (50) Par.?
yad aditim // (51) Par.?
ādityā vā imāḥ prajāḥ // (52) Par.?
tā evāvāruddha // (53) Par.?
tā ādyā akṛta // (54) Par.?
yad vai yajñasyāntaryanti tac chidram // (55) Par.?
tena yajñaḥ sravati // (56) Par.?
tena yajamāno 'gnaye samavadyati // (57) Par.?
agnir vai samiṣṭiḥ // (58) Par.?
agniḥ pratiṣṭhitiḥ // (59) Par.?
samiṣṭyā eva pratiṣṭhityā agniṃ prathamaṃ yajaty agnim uttamam // (60) Par.?
samānī vā eṣā devatā pāṅktatvāya // (61) Par.?
pāṅkto yajñaḥ // (62) Par.?
yāvān eva yajñas tam ālabdha // (63) Par.?
svastiṃ yajati yajñasya svastyai // (64) Par.?
pathyāṃ yajati // (65) Par.?
vāg vai pathyā // (66) Par.?
vācam evānuprayanti // (67) Par.?
tām uttamām udayanīye yajati // (68) Par.?
vāg vai pathyā // (69) Par.?
vācam evānūdyanti // (70) Par.?
marutvatīḥ pathyāyā ṛco bhavanti // (71) Par.?
devaviśā vai marutaḥ // (72) Par.?
devaviśām evācīkﾱpat // (73) Par.?
tāṃ śāntāṃ kﾱptāṃ manuṣyaviśā anukalpante // (74) Par.?
stenabhaviṣṇur ha viḍ bhavati // (75) Par.?
Duration=0.1518919467926 secs.