Texts

kadrūś ca vai suparṇī cātmarūpayor aspardhetām // (1) Par.?

sā kadrūs suparṇīm ātmarūpam ajayat // (2) Par.?

iyaṃ vai kadrūḥ // (3) Par.?

dyaus suparṇī // (4) Par.?

chandāṃsi vai sauparṇāni // (5) Par.?

sā kadrūs suparṇīm abravīt // (6) Par.?

tṛtīyasyām ito divi somas tam āhara // (7) Par.?

tenātmānaṃ niṣkrīṇīṣveti // (8) Par.?

sā suparṇī chandāṃsy abravīt // (9) Par.?

etasmai vai pitarau putrān bibhṛtaḥ // (10) Par.?

īdṛśān mā spṛṇavān // (11) Par.?

ito mā niṣkrīṇīteti // (12) Par.?

sā jagaty udapatac caturdaśākṣarā satī // (13) Par.?

sāprāpya nyavartata // (14) Par.?

tasyā dve akṣare ahīyetām // (15) Par.?

sā paśūṃś ca dīkṣāṃ cādāyāpatat // (16) Par.?

tasmāt paśumantaṃ dīkṣopanamati // (17) Par.?

tasmād āhur jagatī chandasāṃ paśavyatameti // (18) Par.?

sā triṣṭub udapatat trayodaśākṣarā satī // (19) Par.?

sāprāpya nyavartata // (20) Par.?

tasyā dve akṣare ahīyetām // (21) Par.?

sā dakṣiṇāṃ ca tapaś cādāyāpatat // (22) Par.?

tasmāt triṣṭubho loke dakṣiṇā nīyante // (23) Par.?

etad vāva tapo yat svaṃ dadāti // (24) Par.?

tasmād āhur mādhyandinaṃ savanānāṃ tapasvitamam iti // (25) Par.?

sā gāyatry udapatac caturakṣarā satī // (26) Par.?

sājayā karṇagṛhyodapatat // (27) Par.?

tam asyā ajābhyāruṇat // (28) Par.?

tad ajāyā ajātvam // (29) Par.?

sā tāni ca catvāryakṣarāṇi somaṃ cādāyāpatat // (30) Par.?

sāṣṭākṣarābhavat // (31) Par.?

brahmavādino vadanti // (32) Par.?

kasmād gāyatrī kaniṣṭhā chandasāṃ satī yajñamukhaṃ parīyāya // (33) Par.?

kasmāt tejasvinitameti // (34) Par.?

yad evādas somam āharat tasmād gāyatrī yajñamukhaṃ tasmāt tejasvinitamā // (35) Par.?

sā padbhyāṃ dve savane āharan mukhena tṛtīyam // (36) Par.?

yan mukhenāharat tad adhayat // (37) Par.?

tasmād dve savane śukravatī dhītam iva tṛtīyasavanam // (38) Par.?

tasmād ṛjīṣaṃ tṛtīyasavane 'bhiṣuṇvanti // (39) Par.?

yat tṛtīyasavana āśiram avanayanti // (40) Par.?

tṛtīyasavanam eva tat saṃbharanto manyante // (41) Par.?