Texts

juṣāṇenānya ājyabhāgā ijyante 'thātra ṛcobhayato yajati draḍhimne 'śithiratvāya // (1) Par.?

saptadaśa sāmidhenīḥ kāryāḥ // (2) Par.?

pañca ṛtavo dvādaśa māsā eṣa saṃvatsaraḥ // (3) Par.?

saṃvatsarād evādhi yajñamukhaṃ pratanute // (4) Par.?

tad āhuḥ pañcadaśa sāmidhenīḥ kāryā na saptadaśa // (5) Par.?

saṃvatsarīyasyaivāyanasya saptadaśa kāryāḥ saṃvatsarasyā ṛddhyā iti // (6) Par.?

tan na sūrkṣyam // (7) Par.?

saptadaśaiva kāryāḥ // (8) Par.?

prayājavat syāt prāyaṇīyam ananuyājam // (9) Par.?

anuyājavat syād udayanīyam aprayājam // (10) Par.?

ubhayato vā etat prayājānuyājā yajñam abhisaṃdhīyante // (11) Par.?

samāno hy eṣa yajñaḥ // (12) Par.?

niṣkāṣaṃ ca mekṣaṇaṃ ca nidadhāti // (13) Par.?

tena yajñaḥ saṃtataḥ // (14) Par.?

ātmā vai prayājāḥ prajānuyājāḥ // (15) Par.?

devakṣetram // (16) Par.?

yajño devakṣetram ākramamāṇaḥ prajām antariyād yad anuyājān antariyāt // (17) Par.?

prayājavat syāt prāyaṇīyam anuyājavat // (18) Par.?

anuyājavat syād udayanīyaṃ prayājavat // (19) Par.?

payasi prāyaṇīyaḥ syāt payasy udayanīyaḥ // (20) Par.?

apāṃ vā etañ śukriyam // (21) Par.?

apām eva śukriyam avarunddhe // (22) Par.?

paśavo vai śukriyam // (23) Par.?

paśūn evāvarunddhe // (24) Par.?

atho prāyaṇe ca vāvāsmā etad udayane ca paśūn dadhāti // (25) Par.?

ādityaḥ prāyaṇīyaḥ syād āditya udayanīyaḥ // (26) Par.?

iyaṃ vā aditiḥ // (27) Par.?

asyāṃ vā etad yajñamukhena pratitiṣṭhaty asyām upariṣṭāt // (28) Par.?

yatra vai yajñasyārdhe 'gre samṛddhaṃ kriyate kriyamāṇaṃkriyamāṇaṃ ha vā asya samṛdhyate // (29) Par.?

saṃsthāpyaṃ prāyaṇīyaṃ yajñasya samṛddhyai // (30) Par.?

yāḥ prāyaṇīye 'nuvākyās tā udayanīye yājyāḥ syuḥ // (31) Par.?

yā udayanīye 'nuvākyās tāḥ prāyaṇīye yājyāḥ syuḥ pathaḥ pratiprajñātyai // (32) Par.?

atho anusaṃtatyai // (33) Par.?

yad ato 'nyathā kuryuś chambaṭkuryuḥ // (34) Par.?