Texts

dakṣiṇena padā dakṣiṇāni padāny anunikrāmati // (1) Par.?

tasmād dakṣiṇo 'rdha ātmano vīryāvattaraḥ // (2) Par.?

ṣaṭ padāny anunikrāmati // (3) Par.?

ṣaḍ ṛtavaḥ // (4) Par.?

ṛtuṣv eva pratitiṣṭhati // (5) Par.?

ṣaṭ pṛṣṭhāni // (6) Par.?

tāny evāvarunddhe // (7) Par.?

saptamaṃ padam abhigṛhṇāti // (8) Par.?

sapta grāmyāḥ paśavaḥ // (9) Par.?

tān evāvarunddhe // (10) Par.?

saptadheyaṃ vāg vadati // (11) Par.?

tām evāpnoti // (12) Par.?

vasvy asi rudrāsīti // (13) Par.?

devanāmāni vā eṣaitāni prapadyate // (14) Par.?

iyam asīyam asīty evaitad āha // (15) Par.?

yadyad bhavaty atho vāca evaitat samyag udyate // (16) Par.?

bṛhaspatis tvā sumne ramṇātu // (17) Par.?

rudro vasubhir ācaka iti // (18) Par.?

brahma vai bṛhaspatiḥ // (19) Par.?

rudro devānām ojiṣṭhaḥ // (20) Par.?

yā eva devānām ojiṣṭhau tābhyām enām antato yacchati // (21) Par.?

pṛthivyās tvā mūrdhann ājigharmi devayajana iti // (22) Par.?

eṣa hi pṛthivyā mūrdhā yad devayajanam // (23) Par.?

iḍāyās pade ghṛtavati svāheti // (24) Par.?

iḍā vā eṣā tasyā etad ghṛtavat padaṃ // (25) Par.?

svāhākāreṇaivaināṃ yacchati // (26) Par.?

idam ahaṃ rakṣaso grīvā apikṛntāmīti // (27) Par.?

bhrātṛvyo vai rakṣaḥ // (28) Par.?

bhrātṛvyasyaiva grīvā apikṛntati // (29) Par.?

sphyena padaṃ parilikhati // (30) Par.?

vajro vai sphyaḥ // (31) Par.?

paśavaḥ padam // (32) Par.?

vajreṇaivāsmai paśūn parigṛhṇāti // (33) Par.?

yāvad ghṛtaṃ vidhāvet tāvad abhiparilikhet // (34) Par.?

paśavo vai ghṛtam // (35) Par.?

paśūn evāvarunddhe // (36) Par.?

sthālyāṃ padaṃ saṃvapati // (37) Par.?

ādityā vai paśavaḥ // (38) Par.?

pṛthivy aditiḥ // (39) Par.?

pṛthivyās sthālī saṃbhṛtā // (40) Par.?

sva evainān yonau dadhāti // (41) Par.?

asme ramasvāsme te rāya iti // (42) Par.?

yat tve rāya iti brūyād itarasmai paśūn samprayacched adhvaryur apaśus syāt // (43) Par.?

me rāya iti // (44) Par.?

ātmann eva paśūn yacchate // (45) Par.?

vyṛddhā vā eṣāhutir yām anagnau juhoti // (46) Par.?

yaddhiraṇyam upāsya juhoty agnimaty eva juhoti samṛddhyai // (47) Par.?

anagnau vā etām āhutiṃ juhoti // (48) Par.?

tām īśvarāṇi rakṣāṃsy anūdayya hantoḥ // (49) Par.?

yad apo ninayati śāntyā eva rakṣasām apahatyai // (50) Par.?

ayonīn vā etat paśūñ chucārpayati // (51) Par.?

yad eṣāṃ padaṃ parikhāyāharati // (52) Par.?

yad apo ninayati paśūn eva śuco muñcati // (53) Par.?

somakrayaṇyā patnīṃ saṃkhyāpayati // (54) Par.?

patnyā evaiṣa yajñasyānvārambhaḥ // (55) Par.?

atho mithunam eva yajñamukhe dadhāti prajananāya // (56) Par.?

tvaṣṭṛmantas tvā sapemeti // (57) Par.?

ato hīmāḥ prajāḥ prajāyante prajananāya // (58) Par.?