Texts

Help

Select a text:
Bibliography
Select a chapter:
 (no revisions)
Associated topic(s): Buddhism, Mahāyāna

Show parallels  Show headlines
Use dependency labeler
Chapter id: 3669
  • Click on a sentence to show its analysis
  • Keep the mouse pointer over a lemma to show its meanings.
ātmasaṃyamakaṃ cetaḥ parānugrāhakaṃ ca yat / (1.1) Par.?
maitraṃ sa dharmas tad bījaṃ phalasya pretya ceha ca // (1.2) Par.?
cetanā cetayitvā ca karmoktaṃ paramarṣiṇā / (2.1) Par.?
tasyānekavidho bhedaḥ karmaṇaḥ parikīrtitaḥ // (2.2) Par.?
tatra yac cetanety uktaṃ karma tan mānasaṃ smṛtam / (3.1) Par.?
cetayitvā ca yat tūktaṃ tat tu kāyikavācikam // (3.2) Par.?
vāgviṣpando 'viratayo yāś cāvijñaptisaṃjñitāḥ / (4.1) Par.?
avijñaptaya evānyāḥ smṛtā viratayas tathā // (4.2) Par.?
paribhogānvayaṃ puṇyam apuṇyaṃ ca tathāvidham / (5.1) Par.?
cetanā ceti saptaite dharmāḥ karmāñjanāḥ smṛtāḥ // (5.2) Par.?
tiṣṭhaty ā pākakālāc cet karma tan nityatām iyāt / (6.1) Par.?
niruddhaṃ cen niruddhaṃ sat kiṃ phalaṃ janayiṣyati // (6.2) Par.?
yo 'ṅkuraprabhṛtir bījāt saṃtāno 'bhipravartate / (7.1) Par.?
tataḥ phalam ṛte bījāt sa ca nābhipravartate // (7.2) Par.?
bījāc ca yasmāt saṃtānaḥ saṃtānāc ca phalodbhavaḥ / (8.1) Par.?
bījapūrvaṃ phalaṃ tasmān nocchinnaṃ nāpi śāśvatam // (8.2) Par.?
yas tasmāc cittasaṃtānaś cetaso 'bhipravartate / (9.1) Par.?
tataḥ phalam ṛte cittāt sa ca nābhipravartate // (9.2) Par.?
cittāc ca yasmāt saṃtānaḥ saṃtānāc ca phalodbhavaḥ / (10.1) Par.?
karmapūrvaṃ phalaṃ tasmān nocchinnaṃ nāpi śāśvatam // (10.2) Par.?
dharmasya sādhanopāyāḥ śuklāḥ karmapathā daśa / (11.1) Par.?
phalaṃ kāmaguṇāḥ pañca dharmasya pretya ceha ca // (11.2) Par.?
bahavaś ca mahāntaś ca doṣāḥ syur yadi kalpanā / (12.1) Par.?
syād eṣā tena naivaiṣā kalpanātropapadyate // (12.2) Par.?
imāṃ punaḥ pravakṣyāmi kalpanāṃ yātra yojyate / (13.1) Par.?
buddhaiḥ pratyekabuddhaiś ca śrāvakaiś cānuvarṇitām // (13.2) Par.?
pattraṃ yathā 'vipraṇāśas tatharṇam iva karma ca / (14.1) Par.?
caturvidho dhātutaḥ sa prakṛtyāvyākṛtaś ca saḥ // (14.2) Par.?
prahāṇato na praheyo bhāvanāheya eva vā / (15.1) Par.?
tasmād avipraṇāśena jāyate karmaṇāṃ phalam // (15.2) Par.?
prahāṇataḥ praheyaḥ syāt karmaṇaḥ saṃkrameṇa vā / (16.1) Par.?
yadi doṣāḥ prasajyeraṃs tatra karmavadhādayaḥ // (16.2) Par.?
sarveṣāṃ viṣabhāgānāṃ sabhāgānāṃ ca karmaṇām / (17.1) Par.?
pratisaṃdhau sadhātūnām eka utpadyate tu saḥ // (17.2) Par.?
karmaṇaḥ karmaṇo dṛṣṭe dharma utpadyate tu saḥ / (18.1) Par.?
dviprakārasya sarvasya vipakve 'pi ca tiṣṭhati // (18.2) Par.?
phalavyatikramād vā sa maraṇād vā nirudhyate / (19.1) Par.?
anāsravaṃ sāsravaṃ ca vibhāgaṃ tatra lakṣayet // (19.2) Par.?
śūnyatā ca na cocchedaḥ saṃsāraś ca na śāśvatam / (20.1) Par.?
karmaṇo 'vipraṇāśaś ca dharmo buddhena deśitaḥ // (20.2) Par.?
karma notpadyate kasmān niḥsvabhāvaṃ yatas tataḥ / (21.1) Par.?
yasmāc ca tad anutpannaṃ na tasmād vipraṇaśyati // (21.2) Par.?
karma svabhāvataś cet syāc chāśvataṃ syād asaṃśayam / (22.1) Par.?
akṛtaṃ ca bhavet karma kriyate na hi śāśvatam // (22.2) Par.?
akṛtābhyāgamabhayaṃ syāt karmākṛtakaṃ yadi / (23.1) Par.?
abrahmacaryavāsaś ca doṣastatra prasajyate // (23.2) Par.?
vyavahārā virudhyante sarva eva na saṃśayaḥ / (24.1) Par.?
puṇyapāpakṛtor naiva pravibhāgaś ca yujyate // (24.2) Par.?
tad vipakvavipākaṃ ca punar eva vipakṣyati / (25.1) Par.?
karma vyavasthitaṃ yasmāt tasmāt svābhāvikaṃ yadi // (25.2) Par.?
karma kleśātmakaṃ cedaṃ te ca kleśā na tattvataḥ / (26.1) Par.?
na cet te tattvataḥ kleśāḥ karma syāt tattvataḥ katham // (26.2) Par.?
karma kleśāś ca dehānāṃ pratyayāḥ samudāhṛtāḥ / (27.1) Par.?
karma kleśāś ca te śūnyā yadi deheṣu kā kathā // (27.2) Par.?
avidyānivṛto jantus tṛṣṇāsaṃyojanaś ca saḥ / (28.1) Par.?
sa bhoktā sa ca na kartur anyo na ca sa eva saḥ // (28.2) Par.?
na pratyayasamutpannaṃ nāpratyayasamutthitam / (29.1) Par.?
asti yasmād idaṃ karma tasmāt kartāpi nāsty ataḥ // (29.2) Par.?
karma cen nāsti kartā ca kutaḥ syāt karmajaṃ phalam / (30.1) Par.?
asaty atha phale bhoktā kuta eva bhaviṣyati // (30.2) Par.?
yathā nirmitakaṃ śāstā nirmimītarddhisaṃpadā / (31.1) Par.?
nirmito nirmimītānyaṃ sa ca nirmitakaḥ punaḥ // (31.2) Par.?
tathā nirmitakākāraḥ kartā yat karma tat kṛtam / (32.1) Par.?
tadyathā nirmitenānyo nirmito nirmitas tathā // (32.2) Par.?
kleśāḥ karmāṇi dehāś ca kartāraś ca phalāni ca / (33.1) Par.?
gandharvanagarākārā marīcisvapnasaṃnibhāḥ // (33.2) Par.?
Duration=0.22035717964172 secs.