Texts

Help

Select a text:
Bibliography
Select a chapter:
 (no revisions)
Associated topic(s): Buddhism, Mahāyāna

Show parallels  Show headlines
Use dependency labeler
Chapter id: 3672
  • Click on a sentence to show its analysis
  • Keep the mouse pointer over a lemma to show its meanings.
hetoś ca pratyayānāṃ ca sāmagryā jāyate yadi / (1.1) Par.?
phalamasti ca sāmagryāṃ sāmagryā jāyate katham // (1.2) Par.?
hetoś ca pratyayānāṃ ca sāmagryā jāyate yadi / (2.1) Par.?
phalaṃ nāsti ca sāmagryāṃ sāmagryā jāyate katham // (2.2) Par.?
hetoś ca pratyayānāṃ ca sāmagryām asti cet phalam / (3.1) Par.?
gṛhyeta nanu sāmagryāṃ sāmagryāṃ ca na gṛhyate // (3.2) Par.?
hetoś ca pratyayānāṃ ca sāmagryāṃ nāsti cet phalam / (4.1) Par.?
hetavaḥ pratyayāś ca syur ahetupratyayaiḥ samāḥ // (4.2) Par.?
hetuṃ phalasya dattvā ca yadi hetur nirudhyate / (5.1) Par.?
yad dattaṃ yan niruddhaṃ ca hetor ātmadvayaṃ bhavet // (5.2) Par.?
hetuṃ phalasyādattvā ca yadi hetur nirudhyate / (6.1) Par.?
hetau niruddhe jātaṃ tat phalam āhetukaṃ bhavet // (6.2) Par.?
phalaṃ sahaiva sāmagryā yadi prādurbhavet punaḥ / (7.1) Par.?
ekakālau prasajyete janako yaś ca janyate // (7.2) Par.?
pūrvam eva ca sāmagryāḥ phalaṃ prādurbhaved yadi / (8.1) Par.?
hetupratyayanirmuktaṃ phalam āhetukaṃ bhavet // (8.2) Par.?
niruddhe cet phalaṃ hetau hetoḥ saṃkramaṇaṃ bhavet / (9.1) Par.?
pūrvajātasya hetoś ca punarjanma prasajyate // (9.2) Par.?
janayet phalam utpannaṃ niruddho 'staṃ gataḥ katham / (10.1) Par.?
hetus tiṣṭhann api kathaṃ phalena janayed vṛtaḥ // (10.2) Par.?
athāvṛtaḥ phalenāsau katamaj janayet phalam / (11.1) Par.?
na hy adṛṣṭvā na dṛṣṭvāpi hetur janayate phalam // (11.2) Par.?
nātītasya hy atītena phalasya saha hetunā / (12.1) Par.?
nājātena na jātena saṃgatir jātu vidyate // (12.2) Par.?
na jātasya hy ajātena phalasya saha hetunā / (13.1) Par.?
nātītena na jātena saṃgatir jātu vidyate // (13.2) Par.?
nājātasya hi jātena phalasya saha hetunā / (14.1) Par.?
nājātena na naṣṭena saṃgatir jātu vidyate // (14.2) Par.?
asatyāṃ saṃgatau hetuḥ kathaṃ janayate phalam / (15.1) Par.?
satyāṃ vā saṃgatau hetuḥ kathaṃ janayate phalam // (15.2) Par.?
hetuḥ phalena śūnyaś cet kathaṃ janayate phalam / (16.1) Par.?
hetuḥ phalenāśūnyaś cet kathaṃ janayate phalam // (16.2) Par.?
phalaṃ notpatsyate 'śūnyam aśūnyaṃ na nirotsyate / (17.1) Par.?
aniruddham anutpannam aśūnyaṃ tad bhaviṣyati // (17.2) Par.?
katham utpatsyate śūnyaṃ kathaṃ śūnyaṃ nirotsyate / (18.1) Par.?
śūnyam apy aniruddhaṃ tad anutpannaṃ prasajyate // (18.2) Par.?
hetoḥ phalasya caikatvaṃ na hi jātūpapadyate / (19.1) Par.?
hetoḥ phalasya cānyatvaṃ na hi jātūpapadyate // (19.2) Par.?
ekatve phalahetvoḥ syād aikyaṃ janakajanyayoḥ / (20.1) Par.?
pṛthaktve phalahetvoḥ syāt tulyo hetur ahetunā // (20.2) Par.?
phalaṃ svabhāvasadbhūtaṃ kiṃ hetur janayiṣyati / (21.1) Par.?
phalaṃ svabhāvāsadbhūtaṃ kiṃ hetur janayiṣyati // (21.2) Par.?
na cājanayamānasya hetutvam upapadyate / (22.1) Par.?
hetutvānupapattau ca phalaṃ kasya bhaviṣyati // (22.2) Par.?
na ca pratyayahetūnām iyam ātmānam ātmanā / (23.1) Par.?
yā sāmagrī janayate sā kathaṃ janayet phalam // (23.2) Par.?
na sāmagrīkṛtaṃ phalaṃ nāsāmagrīkṛtaṃ phalam / (24.1) Par.?
asti pratyayasāmagrī kuta eva phalaṃ vinā // (24.2) Par.?
Duration=0.23416304588318 secs.