Texts

Help

Select a text:
Bibliography

Select a chapter:
(no revisions)

Associated topic(s): Buddhism, Mahāyāna

Show parallels Show headlines
Use dependency labeler

Chapter id: 3673

Click on a sentence to show its analysis
Keep the mouse pointer over a lemma to show its meanings.

vinā vā saha vā nāsti vibhavaḥ saṃbhavena vai / (1.1) Par.?

vinā vā saha vā nāsti saṃbhavo vibhavena vai // (1.2) Par.?

bhaviṣyati kathaṃ nāma vibhavaḥ saṃbhavaṃ vinā / (2.1) Par.?

vinaiva janma maraṇaṃ vibhavo nodbhavaṃ vinā // (2.2) Par.?

saṃbhavenaiva vibhavaḥ kathaṃ saha bhaviṣyati / (3.1) Par.?

na janma maraṇaṃ caivaṃ tulyakālaṃ hi vidyate // (3.2) Par.?

bhaviṣyati kathaṃ nāma saṃbhavo vibhavaṃ vinā / (4.1) Par.?

anityatā hi bhāveṣu na kadācin na vidyate // (4.2) Par.?

saṃbhavo vibhavenaiva kathaṃ saha bhaviṣyati / (5.1) Par.?

na janma maraṇaṃ caiva tulyakālaṃ hi vidyate // (5.2) Par.?

sahānyonyena vā siddhir vinānyonyena vā yayoḥ / (6.1) Par.?

na vidyate tayoḥ siddhiḥ kathaṃ nu khalu vidyate // (6.2) Par.?

kṣayasya saṃbhavo nāsti nākṣayasyāsti saṃbhavaḥ / (7.1) Par.?

kṣayasya vibhavo nāsti vibhavo nākṣayasya ca // (7.2) Par.?

saṃbhavo vibhavaś caiva vinā bhāvaṃ na vidyate / (8.1) Par.?

saṃbhavaṃ vibhavaṃ caiva vinā bhāvo na vidyate // (8.2) Par.?

saṃbhavo vibhavaś caiva na śūnyasyopapadyate / (9.1) Par.?

saṃbhavo vibhavaś caiva nāśūnyasyopapadyate // (9.2) Par.?

saṃbhavo vibhavaś caiva naika ity upapadyate / (10.1) Par.?

saṃbhavo vibhavaś caiva na nānety upapadyate // (10.2) Par.?

dṛśyate saṃbhavaścaiva vibhavaś caiva te bhavet / (11.1) Par.?

dṛśyate saṃbhavaścaiva mohād vibhava eva ca // (11.2) Par.?

na bhāvāj jāyate bhāvo bhāvo 'bhāvān na jāyate / (12.1) Par.?

nābhāvāj jāyate 'bhāvo 'bhāvo bhāvān na jāyate // (12.2) Par.?

na svato jāyate bhāvaḥ parato naiva jāyate / (13.1) Par.?

na svataḥ parataś caiva jāyate jāyate kutaḥ // (13.2) Par.?

bhāvam abhyupapannasya śāśvatocchedadarśanam / (14.1) Par.?

prasajyate sa bhāvo hi nityo 'nityo 'tha vā bhavet // (14.2) Par.?

bhāvam abhyupapannasya naivocchedo na śāśvatam / (15.1) Par.?

udayavyayasaṃtānaḥ phalahetvor bhavaḥ sa hi // (15.2) Par.?

udayavyayasaṃtānaḥ phalahetvor bhavaḥ sa cet / (16.1) Par.?

vyayasyāpunarutpatter hetūcchedaḥ prasajyate // (16.2) Par.?

sadbhāvasya svabhāvena nāsadbhāvaś ca yujyate / (17.1) Par.?

nirvāṇakāle cocchedaḥ praśamād bhavasaṃtateḥ // (17.2) Par.?

carame na niruddhe ca prathamo yujyate bhavaḥ / (18.1) Par.?

carame nāniruddhe ca prathamo yujyate bhavaḥ // (18.2) Par.?

nirudhyamāne carame prathamo yadi jāyate / (19.1) Par.?

nirudhyamāna ekaḥ syāj jāyamāno 'paro bhavet // (19.2) Par.?

na cen nirudhyamānaś ca jāyamānaś ca yujyate / (20.1) Par.?

sārdhaṃ ca mriyate yeṣu teṣu skandheṣu jāyate // (20.2) Par.?

evaṃ triṣv api kāleṣu na yuktā bhavasaṃtatiḥ / (21.1) Par.?

triṣu kāleṣu yā nāsti sā kathaṃ bhavasaṃtatiḥ // (21.2) Par.?

Duration=0.14359903335571 secs.