Texts

Select a text:
Bibliography

Select a chapter:
(no revisions)

Associated topic(s): Yogācāra

Show parallels Show headlines
Use dependency labeler

Chapter id: 3743

Click on a sentence to show its analysis
Keep the mouse pointer over a lemma to show its meanings.

yathā hi narakeṣu nārakāṇāṃ narakapālādidarśanaṃ deśakālaniyamena siddhaṃ śvavāyasāyasaparvatādyāgamanagamanadarśanaṃ cetyādigrahaṇena sarveṣāṃ ca naikasyaiva taiśca tadbādhanaṃ siddhamasatsvapi narakapālādiṣu samānasvakarmavipākādhipatyāt // (1) Par.?

tathānyatrāpi sarvam etad deśakālaniyamādicatuṣṭayaṃ siddhamiti veditavyam // (2) Par.?

kiṃ punaḥ kāraṇaṃ narakapālāste ca śvāno vāyasāśca sattvā neṣyante // (3) Par.?

ayogāt // (4) Par.?

na hi te nārakā yujyante // (5) Par.?

tathaiva tadduḥkhāpratisaṃvedanāt // (6) Par.?

parasparaṃ yātayatāmime nārakā ime narakapālā iti vyavasthā na syāt // (7) Par.?

tulyākṛtipramāṇabalānāṃ ca parasparaṃ yātayatāṃ na tathā bhayaṃ syāt // (8) Par.?

dāhaduḥkhaṃ ca pradīptāyāmayomayyāṃ bhūmāv asahamānāḥ kathaṃ tatra parānyātayeyuḥ // (9) Par.?

anārakāṇāṃ vāṃ narake kutaḥ saṃbhavaḥ // (10) Par.?

kathaṃ tāvattiraścāṃ svargasaṃbhavaḥ // (11) Par.?

evaṃ narakeṣu tiryakpretaviśeṣāṇāṃ narakapālādīnāṃ saṃbhavaḥ syāt // (12) Par.?

Duration=0.059674978256226 secs.