Texts

atha jvaraghnīṃ guṭikāmāha bhāgaikaḥ syādrasācchuddhāditi // (1) Par.?

śuddhiścāsya pūrvaṃ kathitā // (2) Par.?

rasaṃ pāradaṃ tasyaiko bhāgaḥ // (3) Par.?

elīyaḥ kumārīrasajanitaniryāsadravyaviśeṣaḥ eluvā iti prasiddhaḥ / (4.1) Par.?

tadabhāve kumārīpatrarasameva grāhyamityapare kecidelīyaśabdena elavālukaṃ vadanti // (4.2) Par.?

tacca kuṣṭhagandhikaphalasadṛśaṃ bhavati loke prasiddhaṃ ca // (5) Par.?

etanna sarvamatam // (6) Par.?

śivā harītakī ākārakarabha iti ākallakaḥ prasiddhaḥ // (7) Par.?

kaṭutailena śodhitagandhaka iti śeṣaḥ // (8) Par.?

kaṭutailaṃ sārṣapam // (9) Par.?

phalāni cendravāruṇyā iti // (10) Par.?

indravāruṇī cirbhaṭī tasyāḥ phalāni // (11) Par.?

eke mūlāni cendravāruṇyā vadanti tadbahupustakeṣu na dṛśyate // (12) Par.?

tasmādasaṅgato'yaṃ pāṭhaḥ // (13) Par.?

caturbhāgamitā amī iti // (14) Par.?

amī elīyapramukhaṣaḍdravyaviśeṣāś caturbhāgamitā bhavanti bhāgo'tra pāradaparimāṇāt // (15) Par.?

etatsakalaṃ cūrṇībhūtaṃ kṛtvā indravāruṇikāmūlarasena mardayedityarthaḥ // (16) Par.?

svarasaparimāṇam atra dravyabhāvanāyogyaṃ deyam // (17) Par.?

tacca yāvaccūrṇaṃ plāvitaṃ bhavati tāvaddeyamiti bhāvaḥ // (18) Par.?

chinnārasānupāneneti // (19) Par.?

chinnā guḍūcī tasyāḥ svarasenānupānam // (20) Par.?

anupānamātrātra tantrāntarādavagantavyā // (21) Par.?

tadyathā / (22.1) Par.?

rasānām anupānaṃ syāddvipalaṃ palamardhakam / (22.2) Par.?

vātapittakaphaprāye yathāyogyam anukramāt / (22.3) Par.?

iti // (22.4) Par.?

jvaraghnīti sāmānyena sarvajvaraharetyarthaḥ // (23) Par.?