Texts

Select a text:
Bibliography

Select a chapter:
1 revision

Associated topic(s): nāmakaraṇa, nāmakarman

Show parallels Show headlines
Use dependency labeler

Chapter id: 4380

Click on a sentence to show its analysis
Keep the mouse pointer over a lemma to show its meanings.

nāmakarman

jātaṃ vātsapreṇābhimṛśyottareṇa yajuṣopastha ādhāyottarābhyām abhimantraṇaṃ mūrdhanyavaghrāṇaṃ dakṣiṇe karṇe jāpaḥ // (1) Par.?

nakṣatranāma ca nirdiśati // (2) Par.?

tad rahasyaṃ bhavati // (3) Par.?

madhu ghṛtamiti saṃsṛjya tasmin darbheṇa hiraṇyaṃ niṣṭarkyaṃ baddhvāvadāyottarair mantraiḥ kumāraṃ prāśayitvottarābhiḥ pañcabhiḥ snāpayitvā dadhi ghṛtamiti saṃsṛjya kāṃsyena pṛṣadājyaṃ vyāhṛtībhir oṅkāracaturthābhiḥ kumāraṃ prāśayitvādbhiḥ śeṣaṃ saṃsṛjya goṣṭhe ninayet // (4) Par.?

uttarayā māturupastha ādhāyottarayā dakṣiṇaṃ stanaṃ pratidhāpyottarābhyāṃ pṛthivīmabhimṛśyottareṇa yajuṣā saṃviṣṭam // (5) Par.?

uttareṇa yajuṣā śirasta udakumbhaṃ nidhāya sarṣapān phalīkaraṇamiśrān añjalinottarais tristriḥ pratisvāhākāraṃ hutvā saṃśāsti praviṣṭe praviṣṭa eva tūṣṇīmagnāvāvapateti // (6) Par.?

evam ahar ahar ā nirdaśatāyāḥ // (7) Par.?

daśamyāmutthitāyāṃ snātāyāṃ putrasya nāma dadhāti pitā māteti // (8) Par.?

dvyakṣaraṃ caturakṣaraṃ vā nāmapūrvam ākhyātottaraṃ dīrghābhiniṣṭhānāntaṃ ghoṣavadādyantarantastham // (9) Par.?

api vā yasmin svityupasargaḥ syāt taddhi pratiṣṭhitamiti hi brāhmaṇam // (10) Par.?

ayujākṣaraṃ kumāryāḥ // (11) Par.?

pravāsādetya putrasyottarābhyāmabhimantraṇaṃ mūrdhanyavaghrāṇaṃ dakṣiṇe karṇa uttarānmantrān japet // (12) Par.?

kumārīmuttareṇa yajuṣābhimantrayate // (13) Par.?

Duration=0.044410943984985 secs.