Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra, varṇas, castes

Show parallels  Show headlines
Use dependency labeler
Chapter id: 5346
  • Click on a sentence to show its analysis
  • Keep the mouse pointer over a lemma to show its meanings.
brāhmaṇaḥ kṣatriyo vaiśyaḥ śūdraś ceti varṇāś catvāraḥ // (1.1) Par.?
teṣām ādyā dvijātayas trayaḥ // (2.1) Par.?
teṣāṃ niṣekādyaḥ śmaśānānto mantravat kriyāsamūhaḥ // (3.1) Par.?
teṣāṃ ca dharmāḥ // (4.1) Par.?
brāhmaṇasyādhyāpanam // (5.1) Par.?
kṣatriyasya śastranityatā // (6.1) Par.?
vaiśyasya paśupālanam // (7.1) Par.?
śūdrasya dvijātiśuśrūṣā // (8.1) Par.?
dvijānāṃ yajanādhyayane // (9.1) Par.?
athaiteṣāṃ vṛttayaḥ // (10.1) Par.?
brāhmaṇasya yājanapratigrahau // (11.1) Par.?
kṣatriyasya kṣititrāṇam // (12.1) Par.?
kṛṣigorakṣavāṇijyakusīdayonipoṣaṇāni vaiśyasya // (13.1) Par.?
śūdrasya sarvaśilpāni // (14.1) Par.?
āpady anantarā vṛttiḥ // (15.1) Par.?
kṣamā satyam damaḥ śaucaṃ dānam indriyasaṃyamaḥ / (16.1) Par.?
ahiṃsā guruśuśrūṣā tīrthānusaraṇaṃ dayā // (16.2) Par.?
ārjavaṃ lobhaśūnyatvaṃ devabrāhmaṇapūjanam / (17.1) Par.?
anabhyasūyā ca tathā dharmaḥ sāmānya ucyate // (17.2) Par.?
Duration=0.10640692710876 secs.