Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 752

Click on a sentence to show its analysis
Keep the mouse pointer over a lemma to show its meanings.

atra yadā prāptajñānaḥ kṣīṇakaluṣaśca kṛtābhyanujñaḥ tadā ācāryasakāśān niṣkramyāgatya pratyagāraṃ nagaraṃ vā praviśya yatra laukikānāṃ samūhastatra teṣāṃ nātidūre nātisaṃnikarṣe yatra ca teṣāṃ noparodho dṛṣṭinipātaśca bhavati tatra hastyaśvarathapadātīnāṃ panthānaṃ varjayitvopaviśya nidrāliṅgaśiraścalitajṛmbhikādīni prayoktavyāni // (1) Par.?

tatraivānenāsuptena supta iva bhavitavyam // (2) Par.?

tataḥ prāṇarecanasya vāyoḥ kaṇṭhadeśe purupuruśabdaḥ kartavyaḥ // (3) Par.?

tataste manasā vā vācā vā nidrāviṣṭo'yamiti laukikāḥ prapadyante paribhavanti ca // (4.1) Par.?

anenānṛtābhiyogenāsya yat teṣāṃ sukṛtaṃ tadāgacchati // (5) Par.?

asyāpi ca yat pāpaṃ tat tān prati // (6) Par.?

evaṃ krāthanam iti kriyā // (7) Par.?

ita ity abhiyajana ājñāyāṃ niyoge ca // (8) Par.?

vāśabdaḥ krāthanaspandanādivibhāge draṣṭavyaḥ // (9) Par.?

āha avibhaktābhidhānādeva krāthanaspandanādīnāṃ vibhāgasiddhiḥ hasitādivat // (10) Par.?

kasmād bhāvivacanaṃ bhavati // (11) Par.?

ucyate pṛthagabhidhāne satyapi hasitagītanṛtyavat saṃdehaḥ // (12) Par.?

pṛthagabhidhāne satyapi hasitagītayoḥ pṛthak pṛthak prayogaḥ // (13) Par.?

atra vibhaktayostu gītanṛtyayoḥ // (14) Par.?

adhyayanayantraṇayośca // (15) Par.?

tasmāt pṛthagabhidhānamanurato vā vibhāge bhavatānyadoṣaḥ // (16) Par.?

tataḥ krāthanakriyayāvamānādiṣu niṣpanneṣu krāthanādi saṃsṛṣṭaṃ samutsṛjya śīghramutthātavyam // (17) Par.?

yathā laukikānāṃ sampratyayo bhavati kimapyanena svapnāntare bhayaṃ dṛṣṭamiti // (18) Par.?

ata utthāya śiraḥpāṇyādīnāmanyatamaṃ spanditavyam // (19) Par.?

yasmādāha // (20) Par.?

Duration=0.069847822189331 secs.