Texts

Help

Select a text:
Bibliography
Select a chapter:
 (no revisions)
Associated topic(s): karman doctrine

Show parallels  Show headlines
Use dependency labeler
Chapter id: 8364
  • Click on a sentence to show its analysis
  • Keep the mouse pointer over a lemma to show its meanings.
yājñavalkya uvāca / (1.1) Par.?
narakāt patākodbhūtāt kṣayāt pāpasya karmaṇaḥ / (1.2) Par.?
brahmahā śvā kharoṣṭraḥ syādbheko yakaḥ surāpyapi // (1.3) Par.?
svarṇacoraḥ kṛmiḥ kīṭaḥ tṛṇādir gurutalpagaḥ / (2.1) Par.?
kṣayarogī śyāvadantaḥ kunakhī śipiviṣṭakaḥ // (2.2) Par.?
brahmahatyākramāt syuśca tatsarvaṃ vā śiśer bhavet / (3.1) Par.?
annahartā māyāvī syānmūko vāgapahārakaḥ // (3.2) Par.?
dhānyahāryatiriktāṅgaḥ piśunaḥ pūtināsikaḥ / (4.1) Par.?
tailāhārī tailapāyī pūtivaktrastu sūcakaḥ // (4.2) Par.?
brahmasvaṃ kanyakāṃ krītvā vane rakṣo bhavedvṛṣaḥ / (5.1) Par.?
ratnahṛddhīnajātaḥ syātpatraśākaharaḥ śikhī // (5.2) Par.?
gucchaṃ cucundarī hṛtvā dhānyahṛnmūṣako bhavet / (6.1) Par.?
phalaṃ kapiḥ paśūnhṛtvā tvajā kākaḥ payastathā // (6.2) Par.?
māṃsaṃ gṛdhraḥ paṭaṃ śvitrī cīrī lavaṇahārakaḥ / (7.1) Par.?
yathākarma phalaṃ prāpya tiryaktvaṃ kālaparyayāt // (7.2) Par.?
jāyante lakṣaṇabhraṣṭā daridrāḥ puruṣādhamāḥ / (8.1) Par.?
tato niṣkaluṣībhūtāḥ kule mahati yoginaḥ // (8.2) Par.?
jāyante lakṣaṇopetā dhanadhānyasamanvitāḥ // (9.1) Par.?
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktakarmavipākanirūpaṇaṃ nāma caturuttaraśatatamo 'dhyāyaḥ // (10.1) Par.?
Duration=0.14356803894043 secs.