Texts

brahmovāca / (1.1) Par.?

harivaṃśaṃ pravakṣyāmi kṛṣṇamāhātmyamuttamam / (1.2) Par.?

vasudevāttu devakyāṃ vāsudevo balo 'bhavat // (1.3) Par.?

dharmādirakṣaṇārthāya hyadharmādivinaṣṭaye / (2.1) Par.?

kṛṣṇaḥ pītvā stanau gāḍhaṃ pūtanāmanayatkṣayam // (2.2) Par.?

śakaṭaḥ parivṛtto 'tha bhagnau ca yamalārjunau / (3.1) Par.?

damitaḥ kāliyo nāgo dhenuko vinipātitaḥ // (3.2) Par.?

dhṛto govardhanaḥ śaila indreṇa paripūjitaḥ / (4.1) Par.?

bhārāvataraṇaṃ cakre pratijñāṃ kṛtavānhariḥ // (4.2) Par.?

rakṣaṇāyārjunādeśca hyariṣṭādirnipātitaḥ / (5.1) Par.?

keśī vinihato daityo gopādyāḥ paritoṣitāḥ // (5.2) Par.?

cāṇūro muṣṭiko mallaḥ kaṃso mañcānnipātitaḥ / (6.1) Par.?

rukmiṇīsatyabhāmādyāḥ hyaṣṭau patnyo hareḥ parāḥ // (6.2) Par.?

ṣoḍaśa strīsahasrāṇi hyanyānyāsa mahātmanaḥ / (7.1) Par.?

tāsāṃ putrāśca pautrādyāḥ śataśo 'tha sahasraśaḥ // (7.2) Par.?

rukmiṇyāṃ caiva pradyumno nyavadhīcchambaraṃ ca yaḥ / (8.1) Par.?

tasya putro 'niruddho 'bhūd uṣābāṇasutāpatiḥ // (8.2) Par.?

hariśakarayor yatra mahāyuddhaṃ babhūva ha / (9.1) Par.?

bāṇabāhusahasraṃ ca chinnaṃ bāhudvayaṃ hyabhūt // (9.2) Par.?

narako nihato yena pārijātaṃ jahāra yaḥ / (10.1) Par.?

balaśca śiśupālaśca hataśca dvividaḥ kapiḥ // (10.2) Par.?

aniruddhādabhūdvajraḥ sa ca rājā gate harau / (11.1) Par.?

saṃdīpaniṃ guruṃ cakre saputraṃ ca cakāra saḥ / (11.2) Par.?

mathurāyāṃ cograsenaṃ pālanaṃ ca divaukasām // (11.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe harivaṃśavarṇanaṃ nāma catuścātvāriṃśaduttaraśatatamo 'dhyāyaḥ // (12.1) Par.?