Texts

Help

Select a text:
Bibliography
Select a chapter:
 (no revisions)
Associated topic(s): micro-macro cosmos speculation, ātman

Show parallels  Show headlines
Use dependency labeler
Chapter id: 8718
  • Click on a sentence to show its analysis
  • Keep the mouse pointer over a lemma to show its meanings.
yathā somya madhu madhukṛto nistiṣṭhanti nānātyayānāṃ vṛkṣāṇāṃ rasān samavahāram ekatāṃ rasaṃ gamayanti // (1.1) Par.?
te yathā tatra na vivekaṃ labhante 'muṣyāhaṃ vṛkṣasya raso 'smy amuṣyāhaṃ vṛkṣasya raso 'smīti / (2.1) Par.?
evam eva khalu somyemāḥ sarvāḥ prajāḥ sati sampadya na viduḥ sati sampadyāmaha iti // (2.2) Par.?
ta iha vyāghro vā siṃho vā vṛko vā varāho vā kīṭo vā pataṅgo vā daṃśo vā maśako vā yad yad bhavanti tad ābhavanti // (3.1) Par.?
sa ya eṣo 'ṇimaitad ātmyam idaṃ sarvam / (4.1) Par.?
tat satyam / (4.2) Par.?
sa ātmā / (4.3) Par.?
tat tvam asi śvetaketo iti / (4.4) Par.?
bhūya eva mā bhagavān vijñāpayatv iti / (4.5) Par.?
tathā somyeti hovāca // (4.6) Par.?
Duration=0.024833917617798 secs.