Texts

Help

Select a text:
Bibliography

Select a chapter:
1 revision

Associated topic(s): vānaprastha

Show parallels Show headlines
Use dependency labeler

Chapter id: 17107

Click on a sentence to show its analysis
Keep the mouse pointer over a lemma to show its meanings.

vānaprastho nityasvādhyāyī kuśedhmādīn agnyarthaṃ śākamūlaphalāny aśanārthaṃ ca śucau jātāny āharet // (1) Par.?

anyādhīnam anyotsṛṣṭam aśucau jātaṃ gorasaṃ ca varjayet // (2) Par.?

dhānyadhanasaṃcayaṃ na kurvīta // (3) Par.?

vastraṃ nācchādayet // (4) Par.?

madhūkte toyaṃ māṃsokte paiṣṭikaṃ gṛhṇāti // (5) Par.?

sarvabhūteṣu dayāluḥ samaḥ kṣāntaḥ śucir nirasūyakaḥ sukhe niḥspṛho maṅgalyavāṇīrṣyākārpaṇyavarjī matsyādīn daṃśakān sīrakṛṣṭajātāni kandamūlaphalaśākādīni ca tyajan jaṭāśmaśruromanakhāni dhārayaṃs trikālasnāyī dharāśayo vanyair eva carupuroḍāśān nirvapet // (6) Par.?

palāṇḍvādīn niryāsaṃ śvetavṛntākaṃ suniṣaṇṇakaṃ śleṣmātakaṃ vrajakaliṃ citrakaṃ śigruṃ bhūstṛṇaṃ kovidāraṃ mūlakaṃ ca varjayati // (7) Par.?

muneḥ sarvaṃ māṃsaṃ gomāṃsatulyaṃ dhānyāmlaṃ surāsamaṃ bhavati // (8) Par.?

pūrvasaṃcitāśanaṃ pūrvāṇi vasanāny āśvayuje māsi tyajati // (9) Par.?

vedavedāntena dhyānayogī tapaḥ samācarati // (10) Par.?

apatnīko 'nagnir adāro 'niketano vṛkṣamūle vasan vanasthāśrameṣu gṛhasthānāṃ gṛheṣu vā bhikṣāṃ bhikṣitvāmbupārśve śuddhe parṇe prāṇayātrāmātram annaṃ bhikṣuvad aśnāti // (11) Par.?

śarīraṃ śoṣayann uttaram uttaraṃ tīvraṃ tapaḥ kuryāt // (12) Par.?

Duration=0.052163124084473 secs.