UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3680
- Click on a sentence to show its analysis
- Keep the mouse pointer over a lemma to show its meanings.
athāto vartmagatarogavijñānīyamadhyāyaṃ vyākhyāsyāmaḥ // (1.1)
Par.?
yathovāca bhagavān dhanvantariḥ // (2.1)
Par.?
pṛthagdoṣāḥ samastā vā yadā vartmavyapāśrayāḥ / (3.1)
Par.?
sirā vyāpyāvatiṣṭhante vartmasvadhikamūrchitāḥ // (3.2)
Par.?
vivardhya māṃsaṃ raktaṃ ca tadā vartmavyapāśrayān / (4.1)
Par.?
vikārāñjanayantyāśu nāmatastānnibodhata // (4.2)
Par.?
utsaṅginyatha kumbhīkā pothakyo vartmaśarkarā / (5.1)
Par.?
tathārśovartma śuṣkārśastathaivāñjananāmikā // (5.2)
Par.?
bahalaṃ vartma yaccāpi vyādhirvartmāvabandhakaḥ / (6.1)
Par.?
kliṣṭakardamavartmākhyau śyāvavartma tathaiva ca // (6.2)
Par.?
praklinnamapariklinnaṃ vartma vātahataṃ tu yat / (7.1)
Par.?
arbudaṃ nimiṣaścāpi śoṇitārśaśca yat smṛtam // (7.2)
Par.?
lagaṇo biśanāmā ca pakṣmakopastathaiva ca / (8.1)
Par.?
ekaviṃśatirityete vikārā vartmasaṃśrayāḥ // (8.2)
Par.?
nāmabhiste samuddiṣṭā lakṣaṇaistān pracakṣmahe / (9.1)
Par.?
abhyantaramukhī bāhyotsaṅge 'dho vartmanaśca yā // (9.2)
Par.?
vijñeyotsaṅginī nāma tadrūpapiḍakācitā / (10.1)
Par.?
kumbhīkabījapratimāḥ piḍakā yāstu vartmajāḥ // (10.2)
Par.?
ādhmāpayanti bhinnā yāḥ kumbhīkapiḍakāstu tāḥ / (11.1)
Par.?
srāviṇyaḥ kaṇḍurā gurvyo raktasarṣapasannibhāḥ / (11.2)
Par.?
piḍakāśca rujāvatyaḥ pothakya iti saṃjñitāḥ // (11.3)
Par.?
piḍakābhiḥ susūkṣmābhir ghanābhirabhisaṃvṛtā / (12.1)
Par.?
piḍakā yā kharā sthūlā sā jñeyā vartmaśarkarā // (12.2)
Par.?
ervārubījapratimāḥ piḍakā mandavedanāḥ / (13.1)
Par.?
sūkṣmāḥ kharāśca vartmasthāstadarśovartma kīrtyate // (13.2)
Par.?
dīrgho 'ṅkuraḥ kharaḥ stabdho dāruṇo vartmasaṃbhavaḥ / (14.1)
Par.?
vyādhireṣa samākhyātaḥ śuṣkārśa iti saṃjñitaḥ // (14.2)
Par.?
dāhatodavatī tāmrā piḍakā vartmasaṃbhavā / (15.1)
Par.?
mṛdvī mandarujā sūkṣmā jñeyā sāñjananāmikā // (15.2)
Par.?
vartmopacīyate yasya piḍakābhiḥ samantataḥ / (16.1)
Par.?
savarṇābhiḥ samābhiśca vidyādbahalavartma tat // (16.2)
Par.?
kaṇḍūmatālpatodena vartmaśophena yo naraḥ / (17.1)
Par.?
na samaṃ chādayedakṣi bhavedbandhaḥ sa vartmanaḥ // (17.2)
Par.?
mṛdvalpavedanaṃ tāmraṃ yadvartma samam eva ca / (18.1)
Par.?
akasmācca bhavedraktaṃ kliṣṭavartma tadādiśet // (18.2)
Par.?
kliṣṭaṃ punaḥ pittayutaṃ vidahecchoṇitaṃ yadā / (19.1)
Par.?
tadā klinnatvamāpannam ucyate vartmakardamaḥ // (19.2)
Par.?
yadvartma bāhyato 'ntaśca śyāvaṃ śūnaṃ savedanam / (20.1)
Par.?
dāhakaṇḍūparikledi śyāvavartmeti tanmatam // (20.2)
Par.?
arujaṃ bāhyataḥ śūnamantaḥ klinnaṃ sravatyapi / (21.1)
Par.?
kaṇḍūnistodabhūyiṣṭhaṃ klinnavartma taducyate // (21.2)
Par.?
yasya dhautāni dhautāni sambadhyante punaḥ punaḥ / (22.1)
Par.?
vartmānyaparipakvāni vidyādaklinnavartma tat // (22.2)
Par.?
vimuktasandhi niśceṣṭaṃ vartma yasya na mīlyate / (23.1)
Par.?
etadvātahataṃ vidyāt sarujaṃ yadi vārujam // (23.2)
Par.?
vartmāntarasthaṃ viṣamaṃ granthibhūtamavedanam / (24.1)
Par.?
vijñeyamarbudaṃ puṃsāṃ saraktamavalambitam // (24.2)
Par.?
nimeṣaṇīḥ sirā vāyuḥ praviṣṭo vartmasaṃśrayāḥ / (25.1)
Par.?
cālayatyati vartmāni nimeṣaḥ sa gado mataḥ // (25.2) Par.?
chinnāśchinnā vivardhante vartmasthā mṛdavo 'ṅkurāḥ / (26.1)
Par.?
dāhakaṇḍūrujopetāste 'rśaḥ śoṇitasaṃbhavāḥ // (26.2)
Par.?
apākaḥ kaṭhinaḥ sthūlo granthirvartmabhavo 'rujaḥ / (27.1)
Par.?
sakaṇḍūḥ picchilaḥ kolapramāṇo lagaṇastu saḥ // (27.2)
Par.?
śūnaṃ yadvartma bahubhiḥ sūkṣmaiśchidraiḥ samanvitam / (28.1)
Par.?
bisamantarjala iva bisavartmeti tanmatam // (28.2)
Par.?
doṣāḥ pakṣmāśayagatāstīkṣṇāgrāṇi kharāṇi ca / (29.1)
Par.?
nirvartayanti pakṣmāṇi tair ghuṣṭaṃ cākṣi dūyate // (29.2)
Par.?
uddhṛtairuddhṛtaiḥ śāntiḥ pakṣmabhiścopajāyate / (30.1)
Par.?
vātātapānaladveṣī pakṣmakopaḥ sa ucyate // (30.2)
Par.?
Duration=0.11981391906738 secs.