UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1411
- Click on a sentence to show its analysis
- Keep the mouse pointer over a lemma to show its meanings.
niveśya senāṃ tu vibhuḥ padbhyāṃ pādavatāṃ varaḥ / (1.1)
Par.?
abhigantuṃ sa kākutstham iyeṣa guruvartakam // (1.2)
Par.?
niviṣṭamātre sainye tu yathoddeśaṃ vinītavat / (2.1)
Par.?
bharato bhrātaraṃ vākyaṃ śatrughnam idam abravīt // (2.2)
Par.?
kṣipraṃ vanam idaṃ saumya narasaṃghaiḥ samantataḥ / (3.1)
Par.?
lubdhaiś ca sahitair ebhis tvam anveṣitum arhasi // (3.2)
Par.?
yāvan na rāmaṃ drakṣyāmi lakṣmaṇaṃ vā mahābalam / (4.1)
Par.?
vaidehīṃ vā mahābhāgāṃ na me śāntir bhaviṣyati // (4.2)
Par.?
yāvan na candrasaṃkāśaṃ drakṣyāmi śubham ānanam / (5.1)
Par.?
bhrātuḥ padmapalāśākṣaṃ na me śāntir bhaviṣyati // (5.2)
Par.?
yāvan na caraṇau bhrātuḥ pārthivavyañjanānvitau / (6.1)
Par.?
śirasā dhārayiṣyāmi na me śāntir bhaviṣyati // (6.2)
Par.?
yāvan na rājye rājyārhaḥ pitṛpaitāmahe sthitaḥ / (7.1) Par.?
abhiṣekajalaklinno na me śāntir bhaviṣyati // (7.2)
Par.?
kṛtakṛtyā mahābhāgā vaidehī janakātmajā / (8.1)
Par.?
bhartāraṃ sāgarāntāyāḥ pṛthivyā yānugacchati // (8.2)
Par.?
subhagaś citrakūṭo 'sau girirājopamo giriḥ / (9.1)
Par.?
yasmin vasati kākutsthaḥ kubera iva nandane // (9.2)
Par.?
kṛtakāryam idaṃ durgaṃ vanaṃ vyālaniṣevitam / (10.1)
Par.?
yad adhyāste mahātejā rāmaḥ śastrabhṛtāṃ varaḥ // (10.2)
Par.?
evam uktvā mahātejā bharataḥ puruṣarṣabhaḥ / (11.1)
Par.?
padbhyām eva mahātejāḥ praviveśa mahad vanam // (11.2)
Par.?
sa tāni drumajālāni jātāni girisānuṣu / (12.1)
Par.?
puṣpitāgrāṇi madhyena jagāma vadatāṃ varaḥ // (12.2)
Par.?
sa gireś citrakūṭasya sālam āsādya puṣpitam / (13.1)
Par.?
rāmāśramagatasyāgner dadarśa dhvajam ucchritam // (13.2)
Par.?
taṃ dṛṣṭvā bharataḥ śrīmān mumoda sahabāndhavaḥ / (14.1)
Par.?
atra rāma iti jñātvā gataḥ pāram ivāmbhasaḥ // (14.2)
Par.?
sa citrakūṭe tu girau niśāmya rāmāśramaṃ puṇyajanopapannam / (15.1)
Par.?
guhena sārdhaṃ tvarito jagāma punar niveśyaiva camūṃ mahātmā // (15.2)
Par.?
Duration=0.048379898071289 secs.