Texts

athātaḥ śleṣmābhiṣyandapratiṣedhaṃ vyākhyāsyāmaḥ // (1) Par.?

yathovāca bhagavān dhanvantariḥ // (2) Par.?

syandādhimanthau kaphajau pravṛddhau jayet sirāṇāmatha mokṣaṇena / (3.1) Par.?

svedāvapīḍāñjanadhūmasekapralepayogaiḥ kavalagrahaiśca // (3.2) Par.?

rūkṣaistathāścyotanasaṃvidhānaistathaiva rūkṣaiḥ puṭapākayogaiḥ / (4.1) Par.?

tryahāt tryahāccāpyapatarpaṇānte prātastayostiktaghṛtaṃ praśastam // (4.2) Par.?

tadannapānaṃ ca samācareddhi yacchleṣmaṇo naiva karoti vṛddhim / (5.1) Par.?

kuṭannaṭāsphoṭaphaṇijjhabilvapattūrapilvarkakapitthabhaṅgaiḥ // (5.2) Par.?

svedaṃ vidadhyāt athavānulepaṃ barhiṣṭhaśuṇṭhīsurakāṣṭhakuṣṭhaiḥ / (6.1) Par.?

sindhūtthahiṅgutriphalāmadhūkaprapauṇḍarīkāñjanatutthatāmraiḥ // (6.2) Par.?

piṣṭair jalenāñjanavartayaḥ syuḥ pathyāharidrāmadhukāñjanair vā / (7.1) Par.?

trīṇyūṣaṇāni triphalā haridrā viḍaṅgasāraśca samāni ca syuḥ // (7.2) Par.?

barhiṣṭhakuṣṭhāmarakāṣṭhaśaṅkhapāṭhāmalavyoṣamanaḥśilāśca / (8.1) Par.?

piṣṭvāmbunā vā kusumāni jātikarañjaśobhāñjanajāni yuñjyāt // (8.2) Par.?

phalaṃ prakīryādathavāpi śigroḥ puṣpaṃ ca tulyaṃ bṛhatīdvayasya / (9.1) Par.?

rasāñjanaṃ saindhavacandanaṃ ca manaḥśilāle laśunaṃ ca tulyam // (9.2) Par.?

piṣṭvāñjanārthe kaphajeṣu dhīmān vartīrvidadhyānnayanāmayeṣu / (10.1) Par.?

roge balāsagrathite 'ñjanaṃ jñaiḥ kartavyametat suviśuddhakāye // (10.2) Par.?

nīlān yavān gavyapayo 'nupītān śalākinaḥ śuṣkatanūn vidahya / (11.1) Par.?

tathārjakāsphotakapitthabilvanirguṇḍijātīkusumāni caiva // (11.2) Par.?

tatkṣāravatsaindhavatuttharocanaṃ pakvaṃ vidadhyādatha lohanāḍyām / (12.1) Par.?

etadbalāsagrathite 'ñjanaṃ syādeṣo 'nukalpastu phaṇijjhakādau // (12.2) Par.?

mahauṣadhaṃ māgadhikāṃ ca mustāṃ sasaindhavaṃ yanmaricaṃ ca śuklam / (13.1) Par.?

tanmātuluṅgasvarasena piṣṭaṃ netrāñjanaṃ piṣṭakamāśu hanyāt // (13.2) Par.?

phale bṛhatyā magadhodbhavānāṃ nidhāya kalkaṃ phalapākakāle / (14.1) Par.?

srotojayuktaṃ ca taduddhṛtaṃ syāttadvattu piṣṭe vidhireṣa cāpi // (14.2) Par.?

vārtākaśigrvindrasurāpaṭolakirātatiktāmalakīphaleṣu / (15.1) Par.?

kāsīsasāmudrarasāñjanāni jātyāstathā kṣārakameva cāpi // (15.2) Par.?

praklinnavartmanyupadiśyate tu yogāñjanaṃ tanmadhunāvaghṛṣṭam / (16.1) Par.?

nādeyamagryaṃ maricaṃ ca śuklaṃ nepālajātā ca samapramāṇā // (16.2) Par.?

samātuluṅgadrava eṣa yogaḥ kaṇḍūṃ nihanyāt sakṛdañjanena / (17.1) Par.?

saśṛṅgaveraṃ suradāru mustaṃ sindhuprabhūtaṃ mukulāni jātyāḥ // (17.2) Par.?

surāprapiṣṭaṃ tvidamañjanaṃ hi kaṇḍvāṃ ca śophe ca hitaṃ vadanti / (18.1) Par.?

syandādhimanthakramamācarecca sarveṣu caiteṣu sadāpramattaḥ // (18.2) Par.?