Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6705

Click on a sentence to show its analysis
Keep the mouse pointer over a lemma to show its meanings.

kāraṇaṃ vedanānāṃ kim ityasyottaramāha dhīdhṛtītyādi // (1) Par.?

ayaṃ cārthaḥ prakaraṇāgatatvāducyamāno na punaruktatāmāvahati // (2) Par.?

dhīdhṛtismṛtayaḥ prajñābhedāḥ // (3) Par.?

ete ca śiṣyavyutpattyarthaṃ prajñābhedatvenānyathā vyutpādya ihocyante // (4) Par.?

saṃprāptiḥ kālakarmaṇāmiti kālasya saṃprāptistathā karmaṇaśca saṃprāptiḥ // (5) Par.?

karmasaṃprāptiḥ pacyamānakarmayogaḥ // (6) Par.?

kālasaṃprāptigrahaṇena ceha ye kālavyaktāste gṛhyante nāvaśyaṃ kālajanyāḥ yataḥ svābhāvikānapi kālajanyān tathā tṛtīyakādīn apyasātmyendriyārthādijanyān kālajatvenaivehābhidhāsyati // (7) Par.?

karmajāstu prajñāparādhajanyā eveha karmajanyatvena viśeṣeṇa śiṣyavyutpattyarthaṃ pṛthagucyante kālavyañjyatvena ca karmajā iha kālasaṃprāptijanyeṣvavaroddhavyāḥ // (8) Par.?

prajñāparādhāvarodhaśca yathā karmajānāṃ tathā prathamādhyāya evoktam // (9) Par.?

kiṃcācāryeṇonmādanidāne svayamevoktaṃ prajñāparādhāt sambhūte vyādhau karmaja ātmanaḥ ityādi tathā janapadoddhvaṃsanīye ca vimāne punaruktaṃ vāyvādīnāṃ yadvai guṇyamutpadyate tasya mūlam adharmaḥ tanmūlaṃ vāsatkarma pūrvakṛtaṃ tayoryoniḥ prajñāparādha eva iti // (10) Par.?

tasmādiha saṃprāptiḥ kālakarmaṇāmityanena na kālajanyā gadā ucyante kiṃtu kālavyañjyāḥ // (11) Par.?

Duration=0.069432020187378 secs.