Texts

vaiśaṃpāyana uvāca / (1.1) Par.?

dāruko 'pi kurūn gatvā dṛṣṭvā pārthānmahārathān / (1.2) Par.?

ācaṣṭa mausale vṛṣṇīn anyonyenopasaṃhṛtān // (1.3) Par.?

śrutvā vinaṣṭān vārṣṇeyān sabhojakukurāndhakān / (2.1) Par.?

pāṇḍavāḥ śokasaṃtaptā vitrastamanaso 'bhavan // (2.2) Par.?

tato 'rjunastān āmantrya keśavasya priyaḥ sakhā / (3.1) Par.?

prayayau mātulaṃ draṣṭuṃ nedam astīti cābravīt // (3.2) Par.?

sa vṛṣṇinilayaṃ gatvā dārukeṇa saha prabho / (4.1) Par.?

dadarśa dvārakāṃ vīro mṛtanāthām iva striyam // (4.2) Par.?

yāḥ sma tā lokanāthena nāthavatyaḥ purābhavan / (5.1) Par.?

tāstvanāthāstadā nāthaṃ pārthaṃ dṛṣṭvā vicukruśuḥ // (5.2) Par.?

ṣoḍaśastrīsahasrāṇi vāsudevaparigrahaḥ / (6.1) Par.?

tāsām āsīnmahānnādo dṛṣṭvaivārjunam āgatam // (6.2) Par.?

tāstu dṛṣṭvaiva kauravyo bāṣpeṇa pihito 'rjunaḥ / (7.1) Par.?

hīnāḥ kṛṣṇena putraiśca nāśakat so 'bhivīkṣitum // (7.2) Par.?

tāṃ sa vṛṣṇyandhakajalāṃ hayamīnāṃ rathoḍupām / (8.1) Par.?

vāditrarathaghoṣaughāṃ veśmatīrthamahāgrahām // (8.2) Par.?

ratnaśaivalasaṃghāṭāṃ vajraprākāramālinīm / (9.1) Par.?

rathyāsrotojalāvartāṃ catvarastimitahradām // (9.2) Par.?

rāmakṛṣṇamahāgrāhāṃ dvārakāsaritaṃ tadā / (10.1) Par.?

kālapāśagrahāṃ ghorāṃ nadīṃ vaitaraṇīm iva // (10.2) Par.?

tāṃ dadarśārjuno dhīmān vihīnāṃ vṛṣṇipuṃgavaiḥ / (11.1) Par.?

gataśriyaṃ nirānandāṃ padminīṃ śiśire yathā // (11.2) Par.?

tāṃ dṛṣṭvā dvārakāṃ pārthastāśca kṛṣṇasya yoṣitaḥ / (12.1) Par.?

sasvanaṃ bāṣpam utsṛjya nipapāta mahītale // (12.2) Par.?

sātrājitī tataḥ satyā rukmiṇī ca viśāṃ pate / (13.1) Par.?

abhipatya praruruduḥ parivārya dhanaṃjayam // (13.2) Par.?

tatastāḥ kāñcane pīṭhe samutthāyopaveśya ca / (14.1) Par.?

abruvantyo mahātmānaṃ parivāryopatasthire // (14.2) Par.?

tataḥ saṃstūya govindaṃ kathayitvā ca pāṇḍavaḥ / (15.1) Par.?

āśvāsya tāḥ striyaścāpi mātulaṃ draṣṭum abhyagāt // (15.2) Par.?