Texts

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 1789

Click on a sentence to show its analysis
Keep the mouse pointer over a lemma to show its meanings.

pañcamoddiṣṭaṃ pātanasaṃskāraṃ spaṣṭayannāha kṛtvetyādi // (1) Par.?

tu punaḥ utthitaṃ sūtaṃ śulbapiṣṭiṃ kṛtvā śulbena tāmreṇa saha tayormelanaṃ yathā syāttathā peṣaṇaṃ vidhāya tasmin pātanayantre nipātyate karmavideti śeṣaḥ // (2) Par.?

kutaḥ nāgavaṅgaśaṅkātaḥ nāgavaṅgadoṣaglānitaḥ // (3) Par.?

tathā uktavidhānena nipatati sati pātanakarmaṇi kṛte sati śuddhaḥ sūto bhavet // (4) Par.?

vāramityanukte granthāntare trisaptaikaviṃśativāraṃ pātanakarmaṇi kṛte sati samyak nāgavaṅgaśaṅkā naśyatīti bhāvaḥ // (5) Par.?

viśeṣaścātra pātanayantre / (6.1) Par.?

dvau bhāgau śuddhasūtasya śulbabhāgaikasaṃyutau / (6.2) Par.?

viṃśāṃśaṃ lavaṇaṃ dattvā piṣṭīkuryācca sundaram // (6.3) Par.?

aṣṭāṅgulavistīrṇaṃ dairghyeṇa daśāṅgulaṃ tv adhobhāṇḍam / (7.1) Par.?

kaṇṭhādadhaḥ samantāccaturaṅgulīkṛtajalādhāram // (7.2) Par.?

antaḥ praviṣṭatalabhāṇḍavadanaṃ jalamagnanijamukhaprāntam / (8.1) Par.?

upariṣṭāc ciṇṭighaṭī deyodaraṣoḍaśāṅgulaviśālā // (8.2) Par.?

tasminnadhordhvabhāṇḍe nipātitaḥ sakaladoṣanirmuktaḥ / (9.1) Par.?

sutarāṃ bhavati rasendro jīrṇagrāso'pi pātyo'sau // (9.2) Par.?

adha ūrdhvaṃ tathā tiryak pātastrividha ucyate / (10.1) Par.?

yatra tiṣṭhati sūtendro vahnis tatrānyathā jalam // (10.2) Par.?

uktauṣadhairmarditapāradasya yantrasthitasyordhvam adhaśca tiryak / (11.1) Par.?

niryāpanaṃ pātanasaṃjñamuktaṃ vaṅgāhisamparkajakañcukaghnam // (11.2) Par.?

iti // (12) Par.?

ūrdhvapāte rasasyordhvagamanaṃ tatrādhaḥpātre vahniḥ jalamūrdhvapātre adhaḥpāte tu rasasyādhastādgamanaṃ bhavati yantraṃ tadeva paraṃ tu agnijalayorvyatyāsaḥ jalam atrādhaḥpātre agnirūrdhvapātre tiryakpāte tu rasastiryak patati tatraikapātrapṛṣṭhe jalam anyapātrādho vahniḥ // (13) Par.?

Duration=0.069316148757935 secs.