Texts

Help

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 1868

Click on a sentence to show its analysis
Keep the mouse pointer over a lemma to show its meanings.

dhātvādīnāṃ cāraṇāyāṃ parimāṇamāha samukham ityādi // (1) Par.?

iti pūrvoktaṃ pattrābhrakam uktaṃ pattrābhrakacāraṇam ityarthaḥ // (2) Par.?

samukhaṃ mukhasahitaṃ cāraṇaṃ bhavatu vātha nirmukhaṃ mukhavarjitaṃ cāraṇaṃ bhavatu ubhayatrāpi tulyaṃ samānaṃ sūtaṃ cārayet dhātvādīniti śeṣaḥ // (3) Par.?

atra vikalpo dviguṇaṃ sūtād dviguṇitaṃ cārayed vā caturguṇitaṃ sūtāccaturguṇitaṃ vā aṣṭaguṇaṃ sūtādaṣṭaguṇitaṃ vā ṣoḍaśaguṇaṃ sūtāt ṣoḍaśaguṇitaṃ vā dvātriṃśatāguṇitaṃ sūtād dvātriṃśadguṇitaṃ cārayet // (4) Par.?

tena vidhānena pūrvoktena vidhānena truṭiśo dattvetyādinā // (5) Par.?

cāraṇā trilakṣaṇā bhavati trīṇi lakṣaṇāni cihnāni yasyāṃ sā tathoktā // (6) Par.?

kathaṃ grāsaḥ abhrakasya grāsanaṃ nirmukhatvena samukhatvena vāparā piṣṭī rasenābhrāder melanaṃ punargarbho rasasya garbhe rasarūpaṃ gaganaṃ tiṣṭhatīti // (7) Par.?

ślokadvayānvayasambandhād yugmam // (8) Par.?

Duration=0.036617040634155 secs.