Texts

śukra uvāca / (1.1) Par.?

yaḥ pareṣāṃ naro nityamativādāṃstitikṣati / (1.2) Par.?

devayāni vijānīhi tena sarvamidaṃ jitam // (1.3) Par.?

yaḥ samutpatitaṃ krodhaṃ nigṛhṇāti hayaṃ yathā / (2.1) Par.?

sa yantetyucyate sadbhirna yo raśmiṣu lambate // (2.2) Par.?

yaḥ samutpatitaṃ krodham akrodhane niyacchati / (3.1) Par.?

devayāni vijānīhi tena sarvamidaṃ jitam // (3.2) Par.?

yaḥ samutpatitaṃ kopaṃ kṣamayaiva nirasyati / (4.1) Par.?

yathoragastvacaṃ jīrṇāṃ sa vai puruṣa ucyate // (4.2) Par.?

yastu bhāvayate dharmaṃ yo 'timātraṃ titikṣati / (5.1) Par.?

yaśca tapto na tapati bhṛśaṃ so 'rthasya bhājanam // (5.2) Par.?

yo yajedaśvamedhena māsi māsi śataṃ samāḥ / (6.1) Par.?

yastu kupyenna sarvasya tayor akrodhano varaḥ // (6.2) Par.?

ye kumārāḥ kumāryaśca vairaṃ kuryuracetasaḥ / (7.1) Par.?

naitatprājñastu kurvīta viduste na balābalam // (7.2) Par.?

devayānyuvāca / (8.1) Par.?

vedāhaṃ tāta bālāpi kāryāṇāṃ tu gatāgatam / (8.2) Par.?

krodhe caivātivāde vā kāryasyāpi balābale // (8.3) Par.?

śiṣyasyāśiṣyavṛttaṃ hi na kṣantavyaṃ bubhūṣuṇā / (9.1) Par.?

asatsaṃkīrṇavṛtteṣu vāso mama na rocate // (9.2) Par.?

puṃso ye nābhinandanti vṛttenābhijanena ca / (10.1) Par.?

na teṣu nivasetprājñaḥ śreyo'rthī pāpabuddhiṣu // (10.2) Par.?

ye nainamabhijānanti vṛttenābhijanena ca / (11.1) Par.?

teṣu sādhuṣu vastavyaṃ sa vāsaḥ śreṣṭha ucyate // (11.2) Par.?

tanme mathnāti hṛdayam agnikalpamivāraṇam / (12.1) Par.?

vāgduruktaṃ mahāghoraṃ duhiturvṛṣaparvaṇaḥ // (12.2) Par.?

na hy ato duṣkaraṃ manye tāta lokeṣvapi triṣu / (13.1) Par.?

yaḥ sapatnaśriyaṃ dīptāṃ hīnaśrīḥ paryupāsate // (13.2) Par.?