Texts

śrībhagavānuvāca / (1.1) Par.?

kṛṣṇāṣṭamīmatho vakṣye sarvapāpapraṇāśinīm / (1.2) Par.?

śāntirmuktiśca bhavati jayaḥ puṃsāṃ viśeṣataḥ // (1.3) Par.?

śaṃkaraṃ mārgaśirasi śambhuṃ pauṣe'bhipūjayet / (2.1) Par.?

māghe maheśvaraṃ devaṃ mahādevaṃ ca phālgune // (2.2) Par.?

sthāṇuṃ caitre śivaṃ tadvadvaiśākhe tvarcayennaraḥ / (3.1) Par.?

jyeṣṭhe paśupatiṃ cārcedāṣāḍhe ugramarcayet // (3.2) Par.?

pūjayecchrāvaṇe śarvaṃ nabhasye tryambakaṃ tathā / (4.1) Par.?

haramāśvayuje māsi tatheśānaṃ ca kārttike // (4.2) Par.?

kṛṣṇāṣṭamīṣu sarvāsu śaktaḥ sampūjayeddvijān / (5.1) Par.?

gobhūhiraṇyavāsobhiḥ śivabhaktānupoṣitaḥ // (5.2) Par.?

gomūtraghṛtagokṣīratilān yavakuśodakam / (6.1) Par.?

gośṛṅgodaśirīṣārkabilvapattradadhīni ca / (6.2) Par.?

pañcagavyaṃ ca saṃprāśya śaṃkaraṃ pūjayenniśi // (6.3) Par.?

aśvatthaṃ ca vaṭaṃ caivodumbaraṃ plakṣameva ca / (7.1) Par.?

palāśaṃ jambuvṛkṣaṃ ca viduḥ ṣaṣṭhaṃ maharṣayaḥ // (7.2) Par.?

mārgaśīrṣāṣāḍhamāsābhyāṃ dvābhyāṃ dvābhyāmiti kramāt / (8.1) Par.?

ekaikaṃ dantapavanaṃ vṛkṣeṣveteṣu bhakṣayet // (8.2) Par.?

devāya dadyādarghyaṃ ca kṛṣṇāṃ gāṃ kṛṣṇavāsasam / (9.1) Par.?

dadyātsamāpte dadhyannaṃ vitānadhvajacāmaram // (9.2) Par.?

dvijānāmudakumbhāṃśca pañcaratnasamanvitān / (10.1) Par.?

gāvaḥ kṛṣṇāḥ suvarṇaṃ ca vāsāṃsi vividhāni ca / (10.2) Par.?

aśaktastu punardadyādgāmekāmapi śaktitaḥ // (10.3) Par.?

na vittaśāṭhyaṃ kurvīta kurvandoṣamavāpnuyāt / (11.1) Par.?

kṛṣṇāṣṭamīmupoṣyaiva saptakalpaśatatrayam / (11.2) Par.?

pumānsampūjito devaiḥ śivaloke mahīyate // (11.3) Par.?