Texts

sūta uvāca / (1.1) Par.?

tatastasmingate kalpe pītavarṇe svayaṃbhuvaḥ / (1.2) Par.?

punaranyaḥ pravṛttastu kalpo nāmnāsitastu saḥ // (1.3) Par.?

ekārṇave tadā vṛtte divye varṣasahasrake / (2.1) Par.?

sraṣṭukāmaḥ prajā brahmā cintayāmāsa duḥkhitaḥ // (2.2) Par.?

tasya cintayamānasya putrakāmasya vai prabhoḥ / (3.1) Par.?

kṛṣṇaḥ samabhavadvarṇo dhyāyataḥ parameṣṭhinaḥ // (3.2) Par.?

athāpaśyanmahātejāḥ prādurbhūtaṃ kumārakam / (4.1) Par.?

kṛṣṇavarṇaṃ mahāvīryaṃ dīpyamānaṃ svatejasā // (4.2) Par.?

kṛṣṇāṃbaradharoṣṇīṣaṃ kṛṣṇayajñopavītinam / (5.1) Par.?

kṛṣṇena maulinā yuktaṃ kṛṣṇasraganulepanam // (5.2) Par.?

sa taṃ dṛṣṭvā mahātmānamaghoraṃ ghoravikramam / (6.1) Par.?

vavande devadeveśamadbhutaṃ kṛṣṇapiṅgalam // (6.2) Par.?

prāṇāyāmaparaḥ śrīmān hṛdi kṛtvā maheśvaram / (7.1) Par.?

manasā dhyānuyuktena prapannastu tamīśvaram // (7.2) Par.?

aghoraṃ tu tato brahmā brahmarūpaṃ vyacintayat / (8.1) Par.?

tathā vai dhyāyamānasya brahmaṇaḥ parameṣṭhinaḥ // (8.2) Par.?

pradadau darśanaṃ devo hyaghoro ghoravikramaḥ / (9.1) Par.?

athāsya pārśvataḥ kṛṣṇāḥ kṛṣṇasraganulepanāḥ // (9.2) Par.?

catvārastu mahātmānaḥ saṃbabhūvuḥ kumārakāḥ / (10.1) Par.?

kṛṣṇaḥ kṛṣṇaśikhaścaiva kṛṣṇāsyaḥ kṛṣṇavastradhṛk // (10.2) Par.?

tato varṣasahasraṃ tu yogataḥ parameśvaram / (11.1) Par.?

upāsitvā mahāyogaṃ śiṣyebhyaḥ pradaduḥ punaḥ // (11.2) Par.?

yogena yogasampannāḥ praviśya manasā śivam / (12.1) Par.?

amalaṃ nirguṇaṃ sthānaṃ praviṣṭā viśvamīśvaram // (12.2) Par.?

evametena yogena ye'pi cānye manīṣiṇaḥ / (13.1) Par.?

cintayanti mahādevaṃ gantāro rudramavyayam // (13.2) Par.?