Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3671
  • Click on a sentence to show its analysis
  • Keep the mouse pointer over a lemma to show its meanings.
pratyutpanno 'nāgataś ca yady atītam apekṣya hi / (1.1) Par.?
pratyutpanno 'nāgataś ca kāle 'tīte bhaviṣyataḥ // (1.2) Par.?
pratyutpanno 'nāgataś ca na stas tatra punar yadi / (2.1) Par.?
pratyutpanno 'nāgataś ca syātāṃ katham apekṣya tam // (2.2) Par.?
anapekṣya punaḥ siddhir nātītaṃ vidyate tayoḥ / (3.1) Par.?
pratyutpanno 'nāgataś ca tasmāt kālo na vidyate // (3.2) Par.?
etenaivāvaśiṣṭau dvau krameṇa parivartakau / (4.1) Par.?
uttamādhamamadhyādīn ekatvādīṃś ca lakṣayet // (4.2) Par.?
nāsthito gṛhyate kālaḥ sthitaḥ kālo na vidyate / (5.1) Par.?
yo gṛhyetāgṛhītaś ca kālaḥ prajñapyate katham // (5.2) Par.?
bhāvaṃ pratītya kālaś cet kālo bhāvād ṛte kutaḥ / (6.1) Par.?
na ca kaścana bhāvo 'sti kutaḥ kālo bhaviṣyati // (6.2) Par.?
Duration=0.037357091903687 secs.