Texts

Help

Select a text:
Bibliography

Select a chapter:
2 revisions
Show parallels Show headlines
Use dependency labeler

Chapter id: 4659

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchenmahīpāla tīrthaparamapāvanam / (1.2) Par.?

caṇḍādityaṃ nṛpaśreṣṭha sthāpitaṃ caṇḍamuṇḍayoḥ // (1.3) Par.?

āstāṃ purā mahādaityau caṇḍamuṇḍau sudāruṇau / (2.1) Par.?

narmadātīramāśritya ceratur vipulaṃ tapaḥ // (2.2) Par.?

dhyāyantau bhāskaraṃ devaṃ tamonāśaṃ jagattraye / (3.1) Par.?

tuṣṭastattapasā devaḥ sahasrāṃśuruvāca ha // (3.2) Par.?

sādhu sādhviti tau pārtha narmadāyāḥ śubhe taṭe / (4.1) Par.?

varaṃ prārthayataṃ vīrau yatheṣṭaṃ cetasecchitam // (4.2) Par.?

caṇḍamuṇḍāvūcatuḥ / (5.1) Par.?

ajeyau sarvadevānāṃ bhūyāsvāvāṃ samāhitau / (5.2) Par.?

sarvarogaiḥ parityaktau sarvakālaṃ divākara // (5.3) Par.?

evamastviti tau prāha bhāskaro vāritaskaraḥ / (6.1) Par.?

ityuktvāntardadhe bhānurdaityābhyāṃ tatra bhāskaraḥ // (6.2) Par.?

sthāpitaḥ parayā bhaktyā taṃ gacchedātmasiddhaye / (7.1) Par.?

gīrvāṇāṃśca manuṣyāṃśca pitṝṃs tatrāpi tarpayet // (7.2) Par.?

sa vased bhāskare loke viriñcidivasaṃ nṛpa / (8.1) Par.?

ghṛtena bodhayeddīpaṃ ṣaṣṭhyāṃ sa ca nareśvara / (8.2) Par.?

mucyate sarvapāpaistu pratiyāti puraṃ raveḥ // (8.3) Par.?

utpattiṃ caṇḍabhānoryaḥ śṛṇoti bharatarṣabha / (9.1) Par.?

vijayī sa sadā nūnamādhivyādhivivarjitaḥ // (9.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe caṇḍādityatīrthamāhātmyavarṇanaṃ nāmaikanavatitamo 'dhyāyaḥ // (10.1) Par.?

Duration=0.2945830821991 secs.