Texts

Help

Select a text:
Bibliography

Select a chapter:
2 revisions
Show parallels Show headlines
Use dependency labeler

Chapter id: 4776

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

bhūmipāla tato gacchettīrthaṃ paramaśobhanam / (1.2) Par.?

vikhyātaṃ triṣu lokeṣu pitṝṇām ṛṇamocanam // (1.3) Par.?

tatra snātvā vidhānena saṃtarpya pitṛdevatāḥ / (2.1) Par.?

manuṣyaśca nṛpaśreṣṭha dānaṃ dattvānṛṇo bhavet // (2.2) Par.?

icchanti pitaraḥ sarve svārthahetoḥ sutaṃ yataḥ / (3.1) Par.?

punnāmno narakātputro 'smānayaṃ mocayiṣyati // (3.2) Par.?

piṇḍadānaṃ jalaṃ tāta ṛṇamuttamamucyate / (4.1) Par.?

pitṝṇāṃ taddhi vai proktamṛṇaṃ daivamataḥ param // (4.2) Par.?

agnihotraṃ tathā yajñāḥ paśubandhāstatheṣṭayaḥ / (5.1) Par.?

iti devarṇaṃ proktaṃ śṛṇu mānuṣyakaṃ tataḥ // (5.2) Par.?

brāhmaṇeṣu ca tīrtheṣu devāyatanakarmasu / (6.1) Par.?

pratiśrutya dadettattadvyavahāraḥ kṛto yathā // (6.2) Par.?

ṛṇatrayamidaṃ proktaṃ putrāṇāṃ dharmanandana / (7.1) Par.?

satputrāste tu rājendra snātā ya ṛṇamocane // (7.2) Par.?

ṛṇatrayādvimucyante hyaputrāḥ putriṇastathā / (8.1) Par.?

tasmāttīrthavaraṃ prāpya putreṇa niyatātmanā / (8.2) Par.?

pitṛbhyastarpaṇaṃ kāryaṃ piṇḍadānaṃ viśeṣataḥ // (8.3) Par.?

tatra tīrthe hutaṃ dattaṃ guravastoṣitā yadi / (9.1) Par.?

mṛtānāṃ sapta janmāni phalamakṣayamaśnute // (9.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe ṛṇamocanatīrthamāhātmyavarṇanaṃ nāmāṣṭottaradviśatatamo 'dhyāyaḥ // (10.1) Par.?

Duration=0.060376167297363 secs.