Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 3016
  • Click on a sentence to show its analysis
  • Keep the mouse pointer over a lemma to show its meanings.
kastāvadayaṃ sahānavasthānadoṣaḥ yadyekakālatayā tadetanna dūṣaṇam apitu dūṣaṇameva // (1) Par.?
nahi yadaiva yatra rāgastadānīmeva tatra dveṣaḥ // (2) Par.?
atha yasminneva bhoktari rāgastatra dveṣa ityetannopapannaṃ tadapyayuktam // (3) Par.?
nahi anayorāśraye virodhaḥ kiṃtu viṣaye // (4) Par.?
tulyabalatvena rāgadveṣayoḥ kramikatayā ekasminnāśraye viṣayavyāvṛttau na kaściddoṣo bhavadbhirudbhāvitasya sahānavasthānasyeṣṭatvāt // (5) Par.?
tathāhi sarvasya vyavahartuḥ sarvā vyavahṛtiḥ sukhaduḥkhabuddhisaṃbhavā // (6) Par.?
pravṛttasya cāsya sukhaṃ vā duḥkhaṃ vā moho vā jāyate // (7) Par.?
bhojanādipravṛttyanantaraṃ ca tatraiva dveṣaḥ tatpūrvakālatastu rāgaḥ // (8) Par.?
punaśca dveṣānte kasmiṃścitkāle tadabhilāṣaḥ // (9) Par.?
yasmādyadeva vīryavadbalīyastadeva yogasyābhiṣvaṅgajanitasya saṃśleṣasya kāraṇam // (10) Par.?
yata evaṃ tasmādrāgasya dveṣād balīyastvāt sahānavasthānadoṣo na doṣaḥ // (11) Par.?
itthaṃ prāsaṅgikīṃ rāgatattvopapattimuktvā ahaṅkāratattvavyāpāramāha // (12) Par.?
Duration=0.043454885482788 secs.