Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5919

Click on a sentence to show its analysis
Keep the mouse pointer over a lemma to show its meanings.

antaḥkaraṇam iti buddhyahaṃkāramanāṃsi trividhaṃ mahadādibhedāt / (1.1) Par.?

daśadhā bāhyaṃ ca / (1.2) Par.?

buddhīndriyāṇi pañca karmendriyāṇi pañca daśavidham etat karaṇaṃ bāhyam / (1.3) Par.?

tat trayasya viṣayākhyaṃ buddhyahaṃkāramanasāṃ bhogyam / (1.4) Par.?

sāṃpratakālaṃ śrotraṃ vartamānam eva śabdaṃ śṛṇoti nātītaṃ na ca bhaviṣyantaṃ cakṣurapi vartamānaṃ rūpaṃ paśyati nātītaṃ nānāgataṃ tvag vartamānaṃ sparśaṃ jihvā vartamānaṃ rasaṃ nāsikā vartamānaṃ gandhaṃ nātītānāgataṃ ceti / (1.5) Par.?

evaṃ karmendriyāṇi vāg vartamānaṃ śabdam uccārayati nātītaṃ nānāgataṃ ca / (1.6) Par.?

pāṇī vartamānaṃ ghaṭam ādadāte nātītam anāgataṃ ca / (1.7) Par.?

pādau vartamānaṃ panthānaṃ viharato nātītaṃ nāpyanāgatam / (1.8) Par.?

pāyūpasthau ca vartamānāvutsargānandau kuruto nātītau nānāgatau / (1.9) Par.?

evaṃ bāhyaṃ karaṇaṃ sāṃpratakālam uktam / (1.10) Par.?

trikālam ābhyantaraṃ karaṇam / (1.11) Par.?

buddhyahaṃkāramanāṃsi trikālaviṣayāṇi buddhir vartamānaṃ ghaṭaṃ budhyate 'tītam anāgataṃ ceti / (1.12) Par.?

ahaṃkāro vartamāne 'bhimānaṃ karotyatīte 'nāgate ca / (1.13) Par.?

tathā mano vartamāne saṃkalpaṃ kurute 'tīte 'nāgate ca / (1.14) Par.?

evaṃ trikālam ābhyantaraṃ karaṇam iti / (1.15) Par.?

idānīm indriyāṇi kati saviśeṣaṃ viṣayaṃ gṛhṇanti kāni nirviśeṣam iti tad ucyate // (1.16) Par.?

Duration=0.02376914024353 secs.