Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 5941
  • Click on a sentence to show its analysis
  • Keep the mouse pointer over a lemma to show its meanings.
tatreti teṣu devamānuṣatiryagyoniṣu jarākṛtaṃ maraṇakṛtaṃ caiva duḥkhaṃ cetanaḥ caitanyavān puruṣaḥ prāpnoti na pradhānaṃ na buddhir nāhaṃkāro na tanmātrāṇīndriyāṇi mahābhūtāni ca / (1.1) Par.?
kiyantaṃ kālaṃ puruṣo duḥkhaṃ prāpnotīti tad vivinakti / (1.2) Par.?
liṅgasya ā vinivṛtteḥ / (1.3) Par.?
yat tan mahadādi liṅgaśarīreṇāviśya tatra vyaktībhavati tad yāvan na nivartate saṃsāraśarīram iti tāvat saṃkṣepeṇa triṣu sthāneṣu puruṣo jarāmaraṇakṛtaṃ duḥkhaṃ prāpnoti / (1.4) Par.?
liṅgasya ā vinivṛtter liṅgasya vinivṛttiṃ yāvat / (1.5) Par.?
liṅganivṛttau mokṣo mokṣaprāptau nāsti duḥkham iti / (1.6) Par.?
tat punaḥ kena nivartate / (1.7) Par.?
yadā pañcaviṃśatitattvajñānaṃ syāt sattvapuruṣānyathākhyātilakṣaṇam idaṃ pradhānam iyaṃ buddhir ayam ahaṃkāra imāni pañca mahābhūtāni yebhyo 'nyaḥ puruṣo visadṛśa iti / (1.8) Par.?
evaṃ jñānālliṅganivṛttistato mokṣa iti / (1.9) Par.?
prakṛteḥ kiṃ nimittam ārambha ityucyate // (1.10) Par.?
Duration=0.037637948989868 secs.