Texts

prācīnaśāla aupamanyavaḥ satyayajñaḥ pauluṣir indradyumno bhāllaveyo janaḥ śārkarākṣyo buḍila āśvatarāśvis te haite mahāśālā mahāśrotriyāḥ sametya mīmāṃsāṃ cakruḥ / (1.1) Par.?

ko na ātmā kiṃ brahmeti // (1.2) Par.?

te ha saṃpādayāṃcakruḥ / (2.1) Par.?

uddālako vai bhagavanto 'yam āruṇiḥ saṃpratīmam ātmānaṃ vaiśvānaram adhyeti / (2.2) Par.?

taṃ hantābhyāgacchāmeti / (2.3) Par.?

taṃ hābhyājagmuḥ // (2.4) Par.?

sa ha saṃpādayāṃcakāra / (3.1) Par.?

prakṣyanti mām ime mahāśālā mahāśrotriyāḥ / (3.2) Par.?

tebhyo na sarvam iva pratipatsye / (3.3) Par.?

hantāham anyam abhyanuśāsānīti // (3.4) Par.?

tān hovāca / (4.1) Par.?

aśvapatir vai bhagavanto 'yaṃ kaikeyaḥ saṃpratīmam ātmānaṃ vaiśvānaram adhyeti / (4.2) Par.?

taṃ hantābhyāgacchāmeti / (4.3) Par.?

taṃ hābhyājagmuḥ // (4.4) Par.?

tebhyo ha prāptebhyaḥ pṛthag arhāṇi kārayāṃcakāra / (5.1) Par.?

sa ha prātaḥ saṃjihāna uvāca / (5.2) Par.?

na me steno janapade na kadaryo na madyapaḥ / (5.3) Par.?

nānāhitāgnir nāvidvān na svairī svairiṇī kutaḥ / (5.4) Par.?

yakṣyamāṇo vai bhagavanto 'ham asmi / (5.5) Par.?

yāvad ekaikasmā ṛtvije dhanaṃ dāsyāmi tāvad bhagavadbhyo dāsyāmi / (5.6) Par.?

vasantu bhagavanta iti // (5.7) Par.?

te hocuḥ / (6.1) Par.?

yena haivārthena puruṣaś caret taṃ haiva vadet / (6.2) Par.?

ātmānam evemaṃ vaiśvānaraṃ saṃpraty adhyeṣi / (6.3) Par.?

tam eva no brūhīti // (6.4) Par.?

tān hovāca / (7.1) Par.?

prātar vaḥ prativaktāsmīti / (7.2) Par.?

te ha samitpāṇayaḥ pūrvāhṇe praticakramire / (7.3) Par.?

tān hānupanīyaivaitad uvāca // (7.4) Par.?