Texts

ṛcāṃ tvaḥ poṣam āste pupuṣvān gāyatraṃ tvo gāyati śakvarīṣu // (1) Par.?

brahmā tvo vadati jātavidyāṃ yajñasya mātrāṃ vimimīta u tvaḥ // (2) Par.?

ity ṛtvikkarmaṇāṃ viniyogam ācaṣṭe // (3) Par.?

ṛcām ekaḥ poṣam āste pupuṣvān // (4) Par.?

hotā // (5) Par.?

ṛg arcanī // (6) Par.?

gāyatram eko gāyati śakvarīṣu // (7) Par.?

udgātā // (8) Par.?

gāyatraṃ gāyateḥ stutikarmaṇaḥ // (9) Par.?

śakvarya ṛcaḥ // (10) Par.?

śaknoteḥ // (11) Par.?

tad yad ābhir vṛtram aśakaddhantuṃ tacchakvarīṇāṃ śakvarītvam // (12) Par.?

iti vijñāyate // (13) Par.?

brahmaiko jāte jāte vidyāṃ vadati // (14) Par.?

brahmā // (15) Par.?

sarvavidyaḥ // (16) Par.?

sarvaṃ veditum arhati // (17) Par.?

brahmā parivṛḍhaḥ śrutataḥ // (18) Par.?

brahma parivṛḍhaṃ sarvataḥ // (19) Par.?

yajñasya mātrāṃ vimimīta ekaḥ // (20) Par.?

adhvaryuḥ // (21) Par.?

adhvaryur adhvarayuḥ // (22) Par.?

adhvaraṃ yunakti // (23) Par.?

adhvarasya netā // (24) Par.?

adhvaraṃ kāmayata iti vā // (25) Par.?

api vādhīyāne yurupabandhaḥ // (26) Par.?

adhvara iti yajñanāma // (27) Par.?

dhvaratir hiṃsākarmā // (28) Par.?

tatpratiṣedhaḥ // (29) Par.?

nipāta ity eke // (30) Par.?

tat katham anudāttaprakṛti nāma syāt // (31) Par.?

dṛṣṭavyayaṃ tu bhavati // (32) Par.?

uta tvaṃ sakhye sthirapītam āhuḥ // (33) Par.?

iti dvitīyāyām // (34) Par.?

uto tvasmai tanvaṃ vi sasre // (35) Par.?

iti caturthyām // (36) Par.?

athāpi prathamābahuvacane // (37) Par.?