Texts

yūpaṃ vrakṣyan vaiṣṇavyarcā juhoti / (1.1) Par.?

vaiṣṇavo hi yūpaḥ / (1.2) Par.?

tasmād vaiṣṇavyarcā juhoti // (1.3) Par.?

yad v eva vaiṣṇavyā juhoti / (2.1) Par.?

yajño vai viṣṇuḥ / (2.2) Par.?

yajñenaivaitad yūpam acchaiti / (2.3) Par.?

tasmād vaiṣṇavyarcā juhoti // (2.4) Par.?

sa yadi srucā juhoti caturgṛhītam ājyaṃ gṛhītvā juhoti / (3.1) Par.?

yady u sruveṇa sruveṇaivopahatya juhoty uru viṣṇo vikramasvoru kṣayāya nas kṛdhi ghṛtaṃ ghṛtayone piba prapra yajñapatiṃ tira svāheti // (3.2) Par.?

yad ājyam pariśiṣṭam bhavati tad ādatte / (4.1) Par.?

yat takṣṇaḥ śastram bhavati tat takṣādatte / (4.2) Par.?

ta āyanti / (4.3) Par.?

sa yaṃ yūpaṃ joṣayante // (4.4) Par.?

tam evam abhimṛśya japati paścād vaiva prāṅ tiṣṭhann abhimantrayate 'ty anyān agāṃ nānyān upāgām iti / (5.1) Par.?

ati hy anyān eti nānyān upaiti / (5.2) Par.?

tasmād āhāty anyān agāṃ nānyān upāgām iti // (5.3) Par.?

arvāk tvā parebhyo 'vidam paro 'varebhya iti / (6.1) Par.?

arvāgghy enam parebhyo vṛścati ya etasmāt parāñco bhavanti / (6.2) Par.?

paro 'varebhya iti / (6.3) Par.?

paro hy enam avarebhyo vṛścati ya etasmād arvāñco bhavanti / (6.4) Par.?

tasmād āhārvāk tvā parebhyo 'vidam paro 'varebhya iti // (6.5) Par.?

taṃ tvā juṣāmahe deva vanaspate devayajyāyā iti / (7.1) Par.?

tad yathā bahūnāṃ madhyāt sādhave karmaṇe juṣeta sa rātamanās tasmai karmaṇe syād evam evainam etad bahūnām madhyāt sādhave karmaṇe juṣate / (7.2) Par.?

sa rātamanā vraścanāya bhavati // (7.3) Par.?

devās tvā devayajyāyai juṣantām iti / (8.1) Par.?

tad vai samṛddhaṃ yaṃ devāḥ sādhave karmaṇe juṣāntai / (8.2) Par.?

tasmād āha devās tvā devayajyāyai juṣantām iti // (8.3) Par.?

atha sruveṇopaspṛśati viṣṇave tveti / (9.1) Par.?

vaiṣṇavo hi yūpaḥ / (9.2) Par.?

yajño vai viṣṇuḥ / (9.3) Par.?

yajñāya hy enaṃ vṛścati / (9.4) Par.?

tasmād āha viṣṇave tveti // (9.5) Par.?

atha darbhataruṇakam antardadhāty oṣadhe trāyasveti / (10.1) Par.?

vajro vai paraśuḥ / (10.2) Par.?

tatho hainam eṣa vajraḥ paraśur na hinasti / (10.3) Par.?

atha paraśunā praharati svadhite mainaṃ hiṃsīr iti / (10.4) Par.?

vajro vai paraśuḥ / (10.5) Par.?

tatho hainam eṣa vajraḥ paraśur na hinasti // (10.6) Par.?

sa yam prathamaṃ śakalam apacchinatti tam ādatte / (11.1) Par.?

taṃ vā anakṣastambhaṃ vṛścet / (11.2) Par.?

uta hy enam anasā vahanti / (11.3) Par.?

tathāno na pratibādhate // (11.4) Par.?

tam prāñcam pātayet / (12.1) Par.?

prācī hi devānāṃ dik / (12.2) Par.?

atho udañcam / (12.3) Par.?

udīcī hi manuṣyāṇāṃ dik / (12.4) Par.?

atho pratyañcam / (12.5) Par.?

dakṣiṇāyai tv evainaṃ diśaḥ paribibādhiṣeta / (12.6) Par.?

eṣā vai dik pitṝṇām / (12.7) Par.?

tasmād enaṃ dakṣiṇāyai diśaḥ paribibādhiṣeta // (12.8) Par.?

tam pracyavamānam anumantrayate dyām mā lekhīr antarikṣam mā hiṃsīḥ pṛthivyā saṃbhaveti / (13.1) Par.?

vajro vā eṣa bhavati yaṃ yūpāya vṛścanti / (13.2) Par.?

tasmād vajrāt pracyavamānād ime lokāḥ saṃrejante / (13.3) Par.?

tad ebhya evainam etal lokebhyaḥ śamayati / (13.4) Par.?

tathemāṃl lokāñchānto na hinasti // (13.5) Par.?

sa yad āha dyām mā lekhīr iti divam mā hiṃsīr ity evaitad āha / (14.1) Par.?

antarikṣam mā hiṃsīr iti nātra tirohitam ivāsti / (14.2) Par.?

pṛthivyā saṃbhaveti pṛthivyā saṃjānīṣvety evaitad āha / (14.3) Par.?

ayaṃ hi tvā svadhitis tetijānaḥ praṇināya mahate saubhagāyeti / (14.4) Par.?

eṣa hy enaṃ svadhitis tejamānaḥ praṇayati // (14.5) Par.?

athāvraścanam abhijuhoti ned ato nāṣṭrā rakṣāṃsy anūttiṣṭhān iti / (15.1) Par.?

vajro vā ājyam / (15.2) Par.?

tad vajreṇaivaitan nāṣṭrā rakṣāṃsy avabādhate / (15.3) Par.?

tathāto nāṣṭrā rakṣāṃsi nānūttiṣṭhanti / (15.4) Par.?

atho reto vā ājyam / (15.5) Par.?

tad vanaspatiṣv evaitad reto dadhāti / (15.6) Par.?

tasmād retasa āvraścanād vanaspatayo 'nu prajāyante // (15.7) Par.?

sa juhoty atas tvaṃ deva vanaspate śatavalśo viroha sahasravalśā vi vayaṃ ruhemeti / (16.1) Par.?

nātra tirohitam ivāsti // (16.2) Par.?

tam parivāsayati / (17.1) Par.?

sa yāvantam evāgre parivāsayet tāvānt syāt // (17.2) Par.?

pañcāratnim parivāsayet / (18.1) Par.?

pāṅkto yajñaḥ / (18.2) Par.?

pāṅktaḥ paśuḥ / (18.3) Par.?

pañcartavaḥ saṃvatsarasya / (18.4) Par.?

tasmāt pañcāratnim parivāsayet // (18.5) Par.?

ṣaḍaratnim parivāsayet / (19.1) Par.?

ṣaḍ vā ṛtavaḥ saṃvatsarasya / (19.2) Par.?

saṃvatsaro vajraḥ / (19.3) Par.?

vajro yūpaḥ / (19.4) Par.?

tasmāt ṣaḍaratnim parivāsayet // (19.5) Par.?

aṣṭāratnim parivāsayet / (20.1) Par.?

aṣṭākṣarā vai gāyatrī / (20.2) Par.?

pūrvārdho vai yajñasya gāyatrī / (20.3) Par.?

pūrvārdha eṣa yajñasya / (20.4) Par.?

tasmād aṣṭāratnim parivāsayet // (20.5) Par.?

navāratnim parivāsayet / (21.1) Par.?

trivṛd vai yajñaḥ / (21.2) Par.?

nava vai trivṛt / (21.3) Par.?

tasmān navāratnim parivāsayet // (21.4) Par.?

ekādaśāratnim parivāsayet / (22.1) Par.?

ekādaśākṣarā vai triṣṭup / (22.2) Par.?

vajras triṣṭup / (22.3) Par.?

vajro yūpaḥ / (22.4) Par.?

tasmād ekādaśāratniṃ parivāsayet // (22.5) Par.?

dvādaśāratnim parivāsayet / (23.1) Par.?

dvādaśa vai māsāḥ saṃvatsarasya / (23.2) Par.?

saṃvatsaro vajraḥ / (23.3) Par.?

vajro yūpaḥ / (23.4) Par.?

tasmād dvādaśāratnim parivāsayet // (23.5) Par.?

trayodaśāratnim parivāsayet / (24.1) Par.?

trayodaśa vai māsāḥ saṃvatsarasya / (24.2) Par.?

saṃvatsaro vajraḥ / (24.3) Par.?

vajro yūpaḥ / (24.4) Par.?

tasmāt trayodaśāratnim parivāsayet // (24.5) Par.?

pañcadaśāratnim parivāsayet / (25.1) Par.?

pañcadaśo vai vajraḥ / (25.2) Par.?

vajro yūpaḥ / (25.3) Par.?

tasmāt pañcadaśāratniṃ parivāsayet // (25.4) Par.?

saptādaśāratnir vājapeyayūpaḥ / (26.1) Par.?

aparimita eva syāt / (26.2) Par.?

aparimitena vā etena vajreṇa devā aparimitam ajayan / (26.3) Par.?

tatho evaiṣa etena vajreṇāparimitenaivāparimitaṃ jayati / (26.4) Par.?

tasmād aparimita eva syāt // (26.5) Par.?

sa vā aṣṭāśrir bhavati / (27.1) Par.?

aṣṭākṣarā vai gāyatrī / (27.2) Par.?

pūrvārdho vai yajñasya gāyatrī / (27.3) Par.?

pūrvārdha eṣa yajñasya / (27.4) Par.?

tasmād aṣṭāśrir bhavati // (27.5) Par.?