Texts

kratūdakṣau ha vā asya mitrāvaruṇau / (1.1) Par.?

etan nv adhyātmam / (1.2) Par.?

sa yad eva manasā kāmayata idam me syād idaṃ kurvīyeti sa eva kratuḥ / (1.3) Par.?

atha yad asmai tat samṛdhyate sa dakṣaḥ / (1.4) Par.?

mitra eva kratuḥ / (1.5) Par.?

varuṇo dakṣaḥ / (1.6) Par.?

brahmaiva mitraḥ / (1.7) Par.?

kṣatraṃ varuṇaḥ / (1.8) Par.?

abhigantaiva brahma / (1.9) Par.?

kartā kṣatriyaḥ // (1.10) Par.?

te haite agre nānevāsatur brahma ca kṣatraṃ ca / (2.1) Par.?

tataḥ śaśākaiva brahma mitra ṛte kṣatrād varuṇāt sthātum // (2.2) Par.?

na kṣatraṃ varuṇa ṛte brahmaṇo mitrāt / (3.1) Par.?

yaddha kiṃ ca varuṇaḥ karma cakre 'prasūtam brahmaṇā mitreṇa na haivāsmai tat samānṛdhe // (3.2) Par.?

sa kṣatraṃ varuṇo brahma mitram upamantrayāṃcakra upa māvartasva / (4.1) Par.?

saṃsṛjāvahai / (4.2) Par.?

puras tvā karavai / (4.3) Par.?

tvatprasūtaḥ karma karavā iti / (4.4) Par.?

tatheti / (4.5) Par.?

tau samasṛjetām / (4.6) Par.?

tata eṣa maitrāvaruṇo graho 'bhavat // (4.7) Par.?

so eva purodhā / (5.1) Par.?

tasmān na brāhmaṇaḥ sarvasyeva kṣatriyasya purodhāṃ kāmayeta / (5.2) Par.?

saṃ hy etau sṛjete sukṛtaṃ ca duṣkṛtaṃ ca / (5.3) Par.?

no eva kṣatriyaḥ sarvam iva brāhmaṇaṃ purodadhīta / (5.4) Par.?

saṃ hy evaitau sṛjete sukṛtaṃ ca duṣkṛtaṃ ca / (5.5) Par.?

sa yat tato varuṇaḥ karma cakre prasūtam brahmaṇā mitreṇa saṃ haivāsmai tad ānṛdhe // (5.6) Par.?

tat tad avakﾱptam eva yad brāhmaṇo 'rājanyaḥ syāt / (6.1) Par.?

yady u rājānaṃ labheta samṛddhaṃ tat / (6.2) Par.?

etaddha tv evānavakﾱptaṃ yat kṣatriyo 'brāhmaṇo bhavati / (6.3) Par.?

yaddha kiṃ ca karma kurute prasūtam brahmaṇā mitreṇa na haivāsmai tat samṛdhyate / (6.4) Par.?

tasmād u kṣatriyeṇa karma kariṣyamāṇenopasartavya eva brāhmaṇaḥ / (6.5) Par.?

saṃ haivāsmai tad brahmaprasūtaṃ karmardhyate // (6.6) Par.?

athāto gṛhṇāty evāyaṃ vām mitrāvaruṇā sutaḥ soma ṛtāvṛdhā / (7.1) Par.?

mamed iha śrutaṃ havam / (7.2) Par.?

upayāmagṛhīto 'si mitrāvaruṇābhyāṃ tveti // (7.3) Par.?

tam payasā śrīṇāti / (8.1) Par.?

tad yat payasā śrīṇāti / (8.2) Par.?

vṛtro vai soma āsīt / (8.3) Par.?

taṃ yatra devā aghnaṃs tam mitram abruvaṃs tvam api haṃsīti / (8.4) Par.?

sa na cakame sarvasya vā aham mitram asmi / (8.5) Par.?

na mitraṃ sann amitro bhaviṣyāmīti / (8.6) Par.?

taṃ vai tvā yajñād antareṣyāma iti / (8.7) Par.?

aham api hanmīti hovāca / (8.8) Par.?

tasmāt paśavo 'pākrāman mitraṃ sann amitro 'bhūd iti / (8.9) Par.?

sa paśubhir vyārdhyata / (8.10) Par.?

tam etad devāḥ paśubhiḥ samārdhayan yat payasāśrīṇan / (8.11) Par.?

tatho evainam eṣa etat paśubhiḥ samardhayati yat payasā śrīṇāti // (8.12) Par.?

tad āhuḥ śaśvaddha naiva cakame hantum iti / (9.1) Par.?

tad yad evātra payas tan mitrasya / (9.2) Par.?

soma eva varuṇasya / (9.3) Par.?

tasmāt payasā śrīṇāti // (9.4) Par.?

sa śrīṇāti rāyā vayaṃ sasavāṃso madema havyena devā yavasena gāvaḥ / (10.1) Par.?

tāṃ dhenum mitrāvaruṇā yuvaṃ no viśvāhā dhattam anapasphurantīm / (10.2) Par.?

eṣa te yonir ṛtāyubhyāṃ tveti sādayati / (10.3) Par.?

sa yad āhartāyubhyāṃ tveti / (10.4) Par.?

brahma vā ṛtam / (10.5) Par.?

brahma hi mitraḥ / (10.6) Par.?

brahmo hy ṛtam / (10.7) Par.?

varuṇa evāyuḥ / (10.8) Par.?

saṃvatsaro hi varuṇaḥ / (10.9) Par.?

saṃvatsara āyuḥ / (10.10) Par.?

tasmād āhaiṣa te yonir ṛtāyubhyāṃ tveti // (10.11) Par.?