Texts

ihā3 ihā3 ity abhiṣuṇoti / (1.1) Par.?

indram evaitad ācyāvayati / (1.2) Par.?

bṛhad bṛhad itīndram evaitad ācyāvayati // (1.3) Par.?

sa śukrāmanthinau prathamau gṛhṇāti / (2.1) Par.?

śukravaddhy etat savanam / (2.2) Par.?

athāgrayaṇam / (2.3) Par.?

sarveṣu hy eṣa savaneṣu gṛhyate / (2.4) Par.?

atha marutvatīyam athokthyam / (2.5) Par.?

ukthāni hy atrāpi bhavanti // (2.6) Par.?

taddhaika ukthyaṃ gṛhītvātha marutvatīyaṃ gṛhṇanti / (3.1) Par.?

tad u tathā na kuryāt / (3.2) Par.?

marutvatīyam eva gṛhītvāthokthyaṃ gṛhṇīyāt // (3.3) Par.?

tān vā etān pañca grahān gṛhṇāti / (4.1) Par.?

eṣa vai vajro yan mādhyandinaḥ pavamānaḥ / (4.2) Par.?

tasmāt pañcadaśaḥ pañcasāmā bhavati / (4.3) Par.?

pañcadaśo hi vajraḥ / (4.4) Par.?

sa etaiḥ pañcabhir grahaiḥ / (4.5) Par.?

pañca vā imā aṅgulayaḥ / (4.6) Par.?

aṅgulibhir vai praharati // (4.7) Par.?

indro vṛtrāya vajram prajahāra / (5.1) Par.?

sa vṛtram pāpmānaṃ hatvā vijite 'bhaye 'nāṣṭre dakṣiṇā nināya / (5.2) Par.?

tasmād apy etarhi yadaivaitena mādhyandinena pavamānena stuvate 'tha vijite 'bhaye 'nāṣṭre dakṣiṇā nīyante / (5.3) Par.?

tatho evaiṣa etaiḥ pañcabhir grahaiḥ pāpmane dviṣate bhrātṛvyāya vajram praharati / (5.4) Par.?

sa vṛtram pāpmānaṃ hatvā vijite 'bhaye 'nāṣṭre dakṣiṇā nayati / (5.5) Par.?

tasmād vā etān pañca grahān gṛhṇāti // (5.6) Par.?

tad yan marutvatīyān gṛhṇāti / (6.1) Par.?

etad vā indrasya niṣkevalyaṃ savanaṃ yan mādhyandinaṃ savanam / (6.2) Par.?

tena vṛtram ajighāṃsat / (6.3) Par.?

tena vyajigīṣata / (6.4) Par.?

maruto vā ity aśvatthe 'pakramya tasthuḥ / (6.5) Par.?

kṣatraṃ vā indraḥ / (6.6) Par.?

viśo marutaḥ / (6.7) Par.?

viśā vai kṣatriyo balavān bhavati / (6.8) Par.?

tasmād āśvatthe ṛtupātre syātām / (6.9) Par.?

kārṣmaryamaye tv eva bhavataḥ // (6.10) Par.?

tān indra upamantrayāṃcakra upa māvartadhvam / (7.1) Par.?

yuṣmābhir balena vṛtraṃ hanānīti / (7.2) Par.?

te hocuḥ kiṃ nas tataḥ syād iti / (7.3) Par.?

tebhya etau marutvatīyau grahāv agṛhṇāt // (7.4) Par.?

te hocur apanidhāyainam oja upāvartāmahā iti / (8.1) Par.?

ta enam apanidhāyaivauja upāvavṛtuḥ / (8.2) Par.?

tad vā indro 'spṛṇutāpanidhāya vai mauja upāvṛtann iti // (8.3) Par.?

sa hovāca sahaiva maujasopāvartadhvam iti / (9.1) Par.?

tebhyo vai nas tṛtīyaṃ grahaṃ gṛhāṇeti / (9.2) Par.?

tebhya etaṃ tṛtīyaṃ graham agṛhṇād upayāmagṛhīto 'si marutāṃ tvaujasa iti / (9.3) Par.?

ta enaṃ sahaivaujasopāvartanta / (9.4) Par.?

tair vyajayata / (9.5) Par.?

tair vṛtram ahan / (9.6) Par.?

kṣatraṃ vā indraḥ / (9.7) Par.?

viśo marutaḥ / (9.8) Par.?

viśā vai kṣatriyo balavān bhavati / (9.9) Par.?

tat kṣatra evaitad balaṃ dadhāti / (9.10) Par.?

tasmān marutvatīyān gṛhṇāti // (9.11) Par.?

sa vā indrāyaiva marutvate gṛhṇīyān nāpi marudbhyaḥ / (10.1) Par.?

sa yaddhāpi marudbhyo gṛhṇīyāt pratyudyāminīṃ ha kṣatrāya viśaṃ kuryāt / (10.2) Par.?

athaitad indram evānu maruta ābhajati / (10.3) Par.?

tat kṣatrāyaivaitad viśaṃ kṛtānukarām anuvartmānaṃ karoti / (10.4) Par.?

tasmād indrāyaiva marutvate gṛhṇīyān nāpi marudbhyaḥ // (10.5) Par.?

apakramād u haivaiṣām etad bibhayāṃcakāra yad ime man nāpakrāmeyur yan nānyad dhriyerann iti / (11.1) Par.?

tān evaitad anapakramiṇo 'kuruta / (11.2) Par.?

tasmād indrāyaiva marutvate gṛhṇīyān nāpi marudbhyaḥ // (11.3) Par.?

ṛtupātrābhyāṃ gṛhṇāti / (12.1) Par.?

ṛtavo vai saṃvatsaro yajñaḥ / (12.2) Par.?

te 'daḥ prātaḥsavane pratyakṣam avakalpyante yad ṛtugrahān gṛhṇāti / (12.3) Par.?

athaitat parokṣam mādhyandine savane 'vakalpayante yad ṛtupātrābhyām marutvatīyān gṛhṇāti / (12.4) Par.?

viśo vai marutaḥ / (12.5) Par.?

annaṃ vai viśaḥ / (12.6) Par.?

ṛtavo vā idaṃ sarvam annādyam pacanti / (12.7) Par.?

tasmād ṛtupātrābhyām marutvatīyān gṛhṇāti // (12.8) Par.?

athāto gṛhṇāty evendra marutva iha pāhi somaṃ yathā śāryāte apibaḥ sutasya / (13.1) Par.?

tava praṇītī tava śūra śarmann āvivāsanti kavayaḥ suyajñāḥ / (13.2) Par.?

upayāmagṛhīto 'sīndrāya tvā marutvata eṣa te yonir indrāya tvā marutvate // (13.3) Par.?

marutvantaṃ vṛṣabhaṃ vāvṛdhānam akavāriṃ divyaṃ śāsam indram / (14.1) Par.?

viśvāsāham avase nūtanāyograṃ sahodām iha taṃ huvema / (14.2) Par.?

upayāmagṛhīto 'sīndrāya tvā marutvata eṣa te yonir indrāya tvā marutvate upayāmagṛhīto 'si marutāṃ tvaujasa iti tṛtīyaṃ grahaṃ gṛhṇāti // (14.3) Par.?

atha māhendraṃ grahaṃ gṛhṇāti / (15.1) Par.?

pāpmanā vā etad indraḥ saṃsṛṣṭo 'bhūd yad viśā marudbhiḥ / (15.2) Par.?

sa yathā vijayasya kāmāya viśā samāne pātre 'śnīyād evaṃ tad yad asmā etaṃ marudbhiḥ samānaṃ graham agṛhṇan // (15.3) Par.?

taṃ devāḥ sarvasmin vijite 'bhaye 'nāṣṭre yatheṣīkām muñjād vivṛhed evaṃ sarvasmāt pāpmano vyavṛhan yan māhendraṃ graham agṛhṇan / (16.1) Par.?

tatho evaiṣa etad yatheṣīkā vimuñjā syād evaṃ sarvasmāt pāpmano nirmucyate yan māhendraṃ graham gṛhṇāti // (16.2) Par.?

yad v eva māhendraṃ grahaṃ gṛhṇāti / (17.1) Par.?

indro vā eṣa purā vṛtrasya vadhāt / (17.2) Par.?

atha vṛtraṃ hatvā yathā mahārājo vijigyāna evam mahendro 'bhavat / (17.3) Par.?

tasmān māhendraṃ grahaṃ gṛhṇāti / (17.4) Par.?

mahāntam u caivainam etat khalu karoti vṛtrasya vadhāya / (17.5) Par.?

tasmād v eva māhendraṃ grahaṃ gṛhṇāti / (17.6) Par.?

śukrapātreṇa gṛhṇāti / (17.7) Par.?

eṣa vai śukro ya eṣa tapati / (17.8) Par.?

eṣa u eva mahān / (17.9) Par.?

tasmācchukrapātreṇa gṛhṇāti // (17.10) Par.?

athāto gṛhṇāty eva mahāṁ indro nṛvad ā carṣaṇiprā uta dvibarhā aminaḥ sahobhiḥ / (18.1) Par.?

asmadryag vāvṛdhe vīryāyoruḥ pṛthuḥ sukṛtaḥ kartṛbhir bhūt / (18.2) Par.?

upayāmagṛhīto 'si mahendrāya tvaiṣa te yonir mahendrāya tveti sādayati / (18.3) Par.?

mahendrāya hy enaṃ gṛhṇāti // (18.4) Par.?

athopākṛtyaitāṃ vācaṃ vadaty abhiṣotāro 'bhiṣuṇutaulūkhalān udvādayatāgnīd āśiraṃ vinaya saumyasya vittād iti / (19.1) Par.?

te vai tṛtīyasavanāyaivābhiṣotāro 'bhiṣuṇvanti / (19.2) Par.?

tṛtīyasavanāyaulūkhalān udvādayanti / (19.3) Par.?

tṛtīyasavanāyāgnīd āśiraṃ vinayati / (19.4) Par.?

tṛtīyasavanāya saumyaṃ caruṃ śrapayati / (19.5) Par.?

ete vai śukravatī rasavatī savane yat prātaḥsavanaṃ ca mādhyandinaṃ ca savanam / (19.6) Par.?

athaitan nirdhītaśukraṃ yat tṛtīyasavanam / (19.7) Par.?

tad evaitasmān mādhyandināt savanān nirmimīte / (19.8) Par.?

tatho hāsyaitacchukravad rasavat tṛtīyasavanam bhavati / (19.9) Par.?

tasmād etām atra vācaṃ vadati // (19.10) Par.?