Texts

hariruvāca / (1.1) Par.?

samaye dīkṣitaḥ śiṣyo baddhanetrastu vāsasā / (1.2) Par.?

aṣṭāhutiśataṃ tasya mūlamantreṇa homayet // (1.3) Par.?

dviguṇaṃ putrake homaṃ triguṇaṃ sādhake matam / (2.1) Par.?

nirvāṇadeśike rudra caturguṇamudāhṛtam // (2.2) Par.?

guruviṣṇudvijastrīṇāṃ hantā vadhyastvadīkṣitaiḥ / (3.1) Par.?

atha dīkṣāṃ pravakṣyāmi dharmādharmakṣayaṅkarīm // (3.2) Par.?

upaveśya bahiḥ śiṣyāndhāraṇaṃ teṣu kārayet / (4.1) Par.?

vāyavyā kalayā rudra śoṣyamāṇān vicintayet // (4.2) Par.?

āgreyyā dahyamānāṃśca plāvitānambhasā punaḥ / (5.1) Par.?

tejastejāsi taṃ jīvamekīkṛtya samākṣipet // (5.2) Par.?

prāṇavaṃ cintayed vyomni śarīre 'nyattu kāraṇam / (6.1) Par.?

ekaikaṃ yo jayettatra kṣetrajñaṃ dehakāraṇāt // (6.2) Par.?

utpādya yojayetpaścādekaikaṃ vṛṣabhadhvaja / (7.1) Par.?

maṇḍalādiṣvaśaktastu kalpayitvārcayeddharim // (7.2) Par.?

caturdvāraṃ bhavettacca brahmatīrthādanukramāt / (8.1) Par.?

hastaṃ padmaṃ samākhyātaṃ patrāṇyaṅgulayaḥ smṛtāḥ // (8.2) Par.?

karṇikā talahastaṃ tu nakhānyasya tu kesarāḥ / (9.1) Par.?

tatrārcayeddhariṃ dhyātvā sūryaṃ dvagnayantareva ca // (9.2) Par.?

taṃ hastaṃ pātayenmūrdhni śiṣyasya tu samāhitaḥ / (10.1) Par.?

haste viṣṇuḥ sthito yasmādviṣṇuhastastatastvayam / (10.2) Par.?

naśyanti sparśanāttasya pātakānyakhilāni ca // (10.3) Par.?

guruḥ śiṣyaṃ samabhyarcya netre baddhe tu vāsasā / (11.1) Par.?

devasya pramukhaṃ kṛtvā puṣpamevārpayettataḥ / (11.2) Par.?

puṣpaṃ nipatitaṃ yatra mūrdhno devasya śārṅgiṇaḥ // (11.3) Par.?

tannāma kārayettasya strīṇāṃ nāmāṅkitaṃ svayam / (12.1) Par.?

śūdrāṇāṃ dāsasaṃyuktaṃ kārayettu vicakṣaṇaḥ // (12.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe viṣṇudīkṣānidṛ nāma navamo 'dhyāyaḥ // (13.1) Par.?