Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17470

Sūkta 1

ṛtāvānaṃ vaiśvānaram ṛtasya jyotiṣas patim / (1.1) Par.?

ajasraṃ gharmam īmahe // (1.2) Par.?

sa idaṃ prati paprathad yajñasya svar uttiran / (2.1) Par.?

ṛtūn ut sṛjate vaśī // (2.2) Par.?

agniḥ priyeṣu dhāmasu kāmo bhūtasya bhavyasya / (3.1) Par.?

samrāḍ eko vi rājati // (3.2) Par.?

Sūkta 2

pari dyām iva sūryo ahīnāṃ janimāgamam / (4.1) Par.?

rātrī jagad ivānyad dhaṃsād avārīramaṃ viṣam // (4.2) Par.?

yad brahmabhir yad ṛṣibhir yad devair uditaṃ purā / (5.1) Par.?

yad bhūtaṃ bhavyam āsanvat tena te vāraye viṣam // (5.2) Par.?

madhunāpṛkṣi nadyaḥ parvatā girayo madhu / (6.1) Par.?

madhu paruṣṇī śīpālā śam āsne astu śaṃ hṛde // (6.2) Par.?

Sūkta 3

yatheyam urvī pṛthivī dādhāra viṣṭhitaṃ jagat / (7.1) Par.?

evā te dhriyatāṃ garbho anu sūtuṃ savitave // (7.2) Par.?

yatheyam urvī pṛthivī dādhāremān vanaspatīn / (8.1) Par.?

evā te dhriyatāṃ garbho anu sūtuṃ savitave // (8.2) Par.?

yatheyam urvī pṛthivī dādhāra parvatāṁ apaḥ / (9.1) Par.?

evā te dhriyatāṃ garbho anu sūtuṃ savitave // (9.2) Par.?

Sūkta 4

sasruṣīs tadapaso divā naktaṃ ca sasruṣīḥ / (10.1) Par.?

vareṇyakratur aham apo devīr upa bruve // (10.2) Par.?

oktā āpaḥ karmaṇyā muñcantv itaḥ praṇītaye / (11.1) Par.?

sadyo bhavantv etave // (11.2) Par.?

devasya savituḥ save karma kṛṇvanti mānuṣāḥ / (12.1) Par.?

śaṃ no bhavantv apa oṣadhīr imāḥ // (12.2) Par.?

Sūkta 5

śatasya te dhamanīnāṃ sahasrasya hirāṇām / (13.1) Par.?

asthur madhyamā yāḥ sākam antā araṃsata // (13.2) Par.?

pari vaḥ sikatāmayīr dhanūs tiraś cid asthiran / (14.1) Par.?

tiṣṭhatelayatā su kam // (14.2) Par.?

amūr yā yanti jāmayaḥ sarvā lohitavāsasaḥ / (15.1) Par.?

abhrātara iva yoṣās tiṣṭhanti hatavarcasaḥ // (15.2) Par.?

tiṣṭhāvare tiṣṭha para uta tvaṃ tiṣṭha madhyame / (16.1) Par.?

kaniṣṭhikā ca tiṣṭhāt tiṣṭhād id dhamanir mahī // (16.2) Par.?

Duration=0.37131285667419 secs.