Texts

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17475

Sūkta 1

varaṇo vārayātā ity ekā // (1.1) Par.?

indrasya vacasā vayaṃ mitrasya varuṇasya ca / (2.1) Par.?

devānāṃ sarveṣāṃ vācā yakṣmaṃ te vārayāmahe // (2.2) Par.?

yathā vṛtra imā āpas tastambha viśvadhā yatīḥ / (3.1) Par.?

evā te agninā yakṣmaṃ vaiśvānareṇa vāraye // (3.2) Par.?

Sūkta 2

dhruvaṃ dhruveṇa haviṣābhi somaṃ mṛśāmasi / (4.1) Par.?

atrā ta indraḥ kevalīr viśo balihṛtas karat // (4.2) Par.?

ā tvāhārṣam antar abhūr dhruvas tiṣṭhāvicācalat / (5.1) Par.?

viśas tvā sarvā ā yantu mā tvad rāṣṭram adhi bhraśat // (5.2) Par.?

ihaivaidhi māpa cyoṣṭhāḥ parvata ivāvicācaliḥ / (6.1) Par.?

indreha dhruvas tiṣṭheha rāṣṭraṃ ni dhāraya // (6.2) Par.?

Sūkta 3

indra etam adīdharad dhruvaṃ dhruveṇa haviṣā / (7.1) Par.?

tasmai somo adhi bruvad ayaṃ ca brahmaṇaspatiḥ // (7.2) Par.?

dhruvaṃ te devaḥ savitā dhruvaṃ devo bṛhaspatiḥ / (8.1) Par.?

dhruvaṃ ta indraś cāgniś ca rāṣṭraṃ dhārayatāṃ dhruvam // (8.2) Par.?

dhruvā dyaur dhruvā pṛthivī samudrāḥ parvatā dhruvāḥ / (9.1) Par.?

devā ha dharmaṇā dhruvā dhruvo rājā viśām ayam // (9.2) Par.?

Sūkta 4

vṛṣendrasya vṛṣā divo vṛṣā pṛthivyā ayam / (10.1) Par.?

vṛṣā viśvasya bhūtasya tvam ekavṛṣo bhava // (10.2) Par.?

samudra īśe sravatām agniḥ pṛthivyā vaśī / (11.1) Par.?

sūryo nakṣatrāṇām īśe tvam ekavṛṣo bhava // (11.2) Par.?

samrāḍ asy asurāṇāṃ kakun manuṣām / (12.1) Par.?

devānām ardhabhāg asi tvam ekavṛṣo bhava // (12.2) Par.?

Sūkta 5

pari vartmāny eṣām indraḥ pūṣā ca sasratuḥ / (13.1) Par.?

muhyantv adyāmūḥ senā amitrāṇāṃ parastaram // (13.2) Par.?

mugdhā amitrāś caratāśīrṣāṇa ivāhayaḥ / (14.1) Par.?

athaiṣām agniraddhānām indro hantu varaṃvaram // (14.2) Par.?

aiṣu nahya vṛṣājinaṃ hariṇasya bhiyaṃ kṛdhi / (15.1) Par.?

parāṅ amitra eṣatv arvācī gaur upeṣatu // (15.2) Par.?

Duration=0.11605787277222 secs.