Texts

yathāyaṃ vāho aśvinā samaiti saṃ ca vartate / (1.1) Par.?

evā mām abhi te manaḥ samaitu saṃ ca vartatām // (1.2) Par.?

āhaṃ khidāmi te mano rājāśvaḥ praṣṭyām iva / (2.1) Par.?

reṣmacchinnaṃ yathā tṛṇaṃ mayi te veṣṭatāṃ manaḥ // (2.2) Par.?

āñjanasya madhughasya kuṣṭhasya naladasya ca / (3.1) Par.?

turo bhagasya hastābhyām anurodhanam ā bhare // (3.2) Par.?

ayam ā yāty aryamā purastād viṣitastukaḥ / (4.1) Par.?

sa icchād agruvai patim atho jāyām ajānaye // (4.2) Par.?

aśramad iyam aryamann anyāsāṃ samanaṃ yatī / (5.1) Par.?

aṅgo nv asyā aryamann anyāḥ samanam ā yanti // (5.2) Par.?

dhātā dādhāra pṛthivīṃ dhātā dyām uta sūryam / (6.1) Par.?

dhātāsyā agruvai patiṃ dadhātu pratikāmyam // (6.2) Par.?

mahyam āpo madhumad erayanta mahyaṃ sūryo abharaj jyotiṣā kam / (7.1) Par.?

mahyaṃ devā uta viśve tapojā mahyaṃ devaḥ savitā vyaco dhāt // (7.2) Par.?

ahaṃ dādhāra pṛthivīm uta dyām ahaṃ sindhūn ajanaṃ sapta sākam / (8.1) Par.?

ahaṃ satyam anṛtaṃ yad vadāmy ahaṃ vācaṃ pari sarvām iṣiṃ ca // (8.2) Par.?

ahaṃ vivyajmi pṛthivīm uta dyām aham ṛtūn asṛje sapta sākam / (9.1) Par.?

ahaṃ vācaṃ pari sarvām abhūvaṃ yo agnīṣomāv ajuṣe sakhāyau // (9.2) Par.?

anaḍudbhyo naḥ prathamaṃ dhenubhyas tvam arundhati / (10.1) Par.?

adhenave vayase śarma yaccha catuṣpade // (10.2) Par.?

śarma yacchatv oṣadhiḥ saha devair arundhatī / (11.1) Par.?

karat payasvantaṃ goṣṭham ayakṣmāṁ uta pūruṣān // (11.2) Par.?

viśvarūpāṃ subhagām acchāvadāmi jīvalām / (12.1) Par.?

sā no rudrasyāstāṃ hetiṃ dūraṃ nayatu gobhyaḥ // (12.2) Par.?

yamo mṛtyur aghamāro nirṛtho bhavaḥ śarvo 'stā śikhaṇḍī / (13.1) Par.?

devajanāḥ senām uttasthivāṃsas te asmākaṃ pari vṛñjantu vīrān // (13.2) Par.?

manasā homair harasā ghṛtena śarvāyāstra uta rājñe bhavāya / (14.1) Par.?

namasyebhyo nama ebhyaḥ kṛṇomy anyatrāsmad aghaviṣā nayantu // (14.2) Par.?

trāyadhvaṃ no aghaviṣābhyo vadhād agnīṣomā marutaḥ pūtadakṣāḥ / (15.1) Par.?

viśve devā maruto vaiśvadevā vātāparjanyayoḥ sumatau syāma // (15.2) Par.?